ДИ ГЪАЩІЭР
ХъыбарыфІыр унэ-унэкІэ щыбгъэІукІэ пщІэн хуэмейр
Алыхьым и лэжьакІуэхэр «псоми я пащхьэ» иту жыпІэхъунущ (1Кр 4:9). Аращ дэ щІэдмыгъэщІагъуэр языныкъуэ цІыхухэр я щхьэгъубжэхэм къыдэплъу къызэрыткІэлъыплъыр е бжэм деж дыщыщытым къызэрытщІэдэІухьыр. Унэм видеокамерэ, микрофон тету щытмэ дэ далъэгъуфынущ, жытІэр зэхахыфынущ икІи тщІэр псори трагъэтхэфынущ. Абы къыхэкІыу хъыбарыфІыр унэ-унэкІэ щыдгъэІукІэ тщІэн хуэмей Іуэхугъуэ зыбжанэм дытепсэлъыхьынщ (2Кр 6:3).
• ЗЭРЫЗЫПЩІЫМ КІЭЛЪЫПЛЪ (Фп 1:27)
Унэр зейм дэ пщІэ зэрыхуэтщІыр къэдгъэлъэгъуэнущ, ар къыщІэкІыхукІэ унэр зэпэтплъыхьу дыщымытмэ. Бжэм деж ущыщытым зыри умышх икІи зыри уемыфэ, абы нэмыщІ телефонкІэ умыпсалъэ икІи сообщение йомыгъэхь.
• УЗЫТЕПСЭЛЪЫХЬЫМ КІЭЛЪЫПЛЪ (Еф 4:29)
Бжэм деж ущыщытым унэм щІэсым зэхихыну узыхуэмей зыри жомыІэ. Языныкъуэхэм бжэм теуІуэн ипэ я псалъэмакъыр зэпагъэу, къыщІэкІыну цІыхум жраІэным егупсысын щхьэкІэ.