ТхьэлъэІум и фІыгъэкІэ Алыхьым гъунэгъу ухуэхъуфынущ

ЦІыхум Іэмал иІэщ Алыхьым тхьэлъэІукІэ зыхуигъазэу и лъэІухэмрэ и гурыщІэхэмрэ хуиІуэтэну. Ар зыми хуэмыдэ тыгъэ лъапІэщ. Бегъымбар Даут Алыхьым жриІащ: «Уэращ тхьэлъэІухэм едаІуэр, уи деж цІыху псори къэкІуэнущ» (Псалом 65:2). Ауэ Алыхьым узэхихын икІи уи лъэІум жэуап къритын щхьэкІэ, дапхуэдэу абы узэрелъэІун хуейр?

ІЭДЭБАГЪ ПХЭЛЪУ ИКІИ УИ ГУМ КЪЫБГЪЭДЭКІЫУ АЛЫХЬЫМ ЗЫХУЭГЪАЗЭ

Алыхьым уи псалъэкІэ зыхуэгъазэ. «Алыхьым и пащхьэм деж уи гум илъ псори» щыжыІэ (Псалом 62:8). Алыхьым и гуапэщ гум къыбгъэдэкІ лъэІухэм едэІуэну.

АЛЫХЬЫМ И ЦІЭМКІЭ ЗЫХУЭГЪАЗЭ

Алыхьым титул куэд иІэщ, ауэ абы и цІэр зыщ. Дунеишхуэр къэзыгъэщІа Алыхьым жеІэ: «Сэ сы-Иеговэщ. Аращ си цІэр» (Исаия 42:8). Тхыгъэ ЛъапІэм Алыхьым и цІэм минибл хуэдизрэ ущрохьэлІэ. Бегъымбархэм Алыхьым и цІэмкІэ зыхуагъазэт. Псалъэм папщІэ, Ибрэхьим Алыхьым елъэІут: «Иеговэ, сынолъэІу... иджыри бжесІэну хуит сыкъэщІ» (ЩІэдзапІэ 18:30, ДЩІ). Дэри Алыхьым и цІэ Иеговэр къэдгъэсэбэпын хуейщ, абы тхьэлъэІукІэ зыщыхуэдгъазэкІэ.

УИ БЗЭМКІЭ АЛЫХЬЫМ ЗЫХУЭГЪАЗЭ

Алыхьым уи гупсысэхэмрэ уи гурыщІэхэмрэ къыгуроІуэ, уэ абы узэрепсалъэ бзэм емылъытауэ. Абы и Псалъэм итщ: «Тхьэр цІыхум и фэм емыплъу, цІыху псори и зэхуэдэу зэрыщытыр къызгурыІуащ. Сыт хуэдэ лъэпкъым къыхэкІауи щрет, Тхьэм и фІэлІыкІыр зи гум илъыр икІи щыпкъагъэр зыгъэзащІэ дэтхэнэри Тхьэм ещтэ» (Апостолхэм 10:34, 35).

ТхьэлъэІур Алыхьым гъунэгъу ухуэзыщІ япэ лъэбакъуэщ. Ауэ къыкІэлъыкІуэ статьям уэ къыщыпщІэнущ сыт пщІэн хуейми Алыхьыр арэзы пщІын щхьэкІэ.