Дауэ жэуапыфІ зэрыптыныр?

ЖэуапыфІхэм зэхуэсыр егъэгушхуэ (Рм 14:19). Жэуап зытми абы и сэбэпынагъ хэлъщ (Пр 15:23, 28). Аращ зэІущІэ къэс зы жэуап нэхъ мыхъуми птыну мурад щІэбгъэувын хуейр. Дэ къыдгуроІуэ ди Іэр къэтІэтыху къызэрыдэмыупщІынур, ауэ, дапхуэдэу мыхъуами, жэуап зытІущ дгъэхьэзырмэ нэхъыфІщ.

ЖэуапыфІыр...

• тыншу, гурыІуэгъуэу, кІэщІу щытын хуейщ. Ар и нэхъыбэм секунд 30-кІэ е нэхъ мащІэкІэ пхуэтынущ

• уи псалъэкІэ птымэ нэхъыфІщ

• щыпткІэ жаІам къытебгъэзэжын хуейкъым

Уэ япэу къоупщІамэ...

• упщІэм и жэуапыр ет

УпщІэм жэуап иратамэ...

• Библием къиха пычыгъуэхэр темэм зэрыпыщІар жыпІэ хъунущ

• темэр гъащІэм зэрепхар къэбгъэлъагъуэ хъунущ

• адрейхэм уадэІэпыкъун щхьэкІэ материалыр къызэрыбгъэсэбэпыфынур къыхэбгъэщ хъунущ

• гупсысэ нэхъыщхьэр къызыхэщ Іуэхугъуэ гуэр жыпІэж хъунущ