12 разделым ухэзыгъэгъуазэ

Уафэм щыІэ Алыхьым и Пащтыхьыгъуэм теухуауэ Хьисэ цІыхухэм яжриІэт. Алыхьым и цІэр гъэлъэпІа хъуну, Алыхьым и Пащтыхьыгъуэр щІылъэм щытепщэну икІи абы и мурадыр щІылъэм гъэзэщІа щыхъуну цІыхухэр Алыхьым елъэІуну Хьисэ хуигъуасэт. Сабийм и гъусэу уэ мы тхылъым уеджэмэ, абы къыгурыгъаІуэ Хьисэ жиІа тхьэлъэІум хэт псалъэхэм къикІыр. ШейтІаным Хьисэ игъэунэхуну щыхэтам, ар Алыхьым хуэпэжу къыхуэнащ. Алыхьым и Пащтыхьыгъуэм къалэн хэха щызыгъэщІэн хуей апостолхэр Хьисэ къыхихащ. Алыхьым и мурадыр игъэзэщІэну Хьисэ и фІэфІу зэрыщытар сабийм гу лъегъатэ. Хьисэ и фІэфІт адрейхэм ядэІэпыкъуну: сымаджэхэр игъэхъужт, мэжэщІалІэхэр игъашхэт, лІахэри къигъэтэджыжт. Апхуэдэ телъыджэхэмкІэ Хьисэ къигъэлъэгъуащ къэкІуэну Алыхьым и Пащтыхьыгъуэм цІыхухэм я гъащІэр зэрихъуэжыну щІыкІэм.