ЯПЭ ІЫХЬЭ

Дауэ Алыхьым жиІэм дызэредэІуэфынур?

Тхыгъэ ЛъапІэмкІэ Алыхьыр къыдопсалъэ. 2 Тимофей 3:16

Уафэм щыІэ и тахътэм Иеговэ тесщ. Абы цІыхухъу зыбжанэ хуегъэуш Библием щыщ тхылъхэр ятхыну

Алыхь пэжым къыджиІэну зыхуейр бегъымбархэм зы тхылъ лъапІэу иригъэтхащ. А тхылъыр Библиеращ. Алыхьыр хуейщ абы ит мыхьэнэшхуэ зиІэ псалъэхэр уэри къэпщІэну.

Алыхьым ещІэ дэркІэ сытыр нэхъыфІми. Аращ къызыбгъэдэкІыр Іущагъри зэхэщІыкІыныгъэри. Абы уедаІуэмэ нэгъэсауэ Іущу, зэхэщІыкІыныгъэ уиІэу ухъунущ (Екъуб 3:17; Лука 11:28).

Библиер бзэ зэмылІэужьыгъуэ куэдкІэ; цІыхухъур къыдалъхуа бзэмкІэ Библием йоджэ

Алыхьыр хуейщ Тхыгъэ ЛъапІэм псори еджэну. Ар бзэ куэдкІэ зэдзэкІауэ щыІэщ.

Уэ Алыхьым жиІэм уедэІуэну ухуеймэ Тхыгъэ ЛъапІэм уеджэу, абы итыр къыбгурыІуэу щытын хуейщ.

Лъэпкъыу щыІэм абы и псалъэхэр зэхах. Матфей 28:19

Иеговэ и Щыхьэтхэм щыщ зыр цІыхухъум Библием ит едзыгъуэ къыхуоджэ; иужькІэ абы а цІыхухъур Библием ирегъаджэ

Иеговэ и Щыхьэтхэр къыбдэІэпыкъуфынущ Тхыгъэ ЛъапІэр къыбгурыІуэн щхьэкІэ.

Абыхэм дуней псом тет цІыхухэр Алыхьым теухуа пэжым хурагъаджэ.

Иеговэ и Щыхьэтхэр щызэхуэс Унэм зэІущІэ щокІуэкІ

Абыхэм пщІэншэу урагъэджэнущ. Абы нэмыщІ Иеговэ и Щыхьэтхэм я зэІущІэхэм Алыхьым теухуауэ уэ нэхъыбэ къыщыпщІэфынущ.