Манаил. Иеговэ фызэрыхуэлажьэр фи дежкІэ псом нэхърэ нэхъапэу щрет

Манаил япэ лІэщІыгъуэм псэуащ икІи Антиохие къалэм щыІэ зэхуэсым абы пщІэ зыпылъ къалэнхэр щигъэзащІэт. Ар «Ирод пщым и гъусэу япІащ» (Апост. 13:1). Абы къыхэкІкІэ Манаил щІэныгъэшхуэ бгъэдэлът икІи ар хуэщІауэ псэу унагъуэм къыщыхъуауэ къыщІэкІынущ.

Манаил къызыхэкІам емылъытауэ, Хьисэ и лъэужь иуват икІи зэхуэсым щхьэкІэ абы куэд ищІэт. Ар егупсыстэкъым щІэныгъэшхуэ зэрыбгъэдэлъым е тепщэныгъэ зиІэ цІыхухэр зэрицІыхум щхьэкІэ, къуэш, шыпхъухэм нэхърэ зыгуэркІэ нэхъ лъагэу. АтІэ Манаил Іэдэбагъ хэлъу къуэш, шыпхъухэм ядэІэпыкъут.

Манаил щапхъэфІ дигъэлъэгъуащ. Дэри мы дунейм увыпІэ лъагэ къыщыдмылъыхъуэу, Иеговэ и лэжьыгъэр ди гъащІэм япэ идгъэщын хуейщ (Мт. 6:33, ДЩІ). ЩІэныгъэ зэдгъэгъуэтыну ди дежкІэ лъапІэу щытми, дэ дыхуейщ сыт щыгъуи «псом нэхърэ нэхъапэр» къыхэтхыну икІи Иеговэ дыхуэлэжьэну зыри зэран зыхуэдгъэхъукъым (Флп. 1:9, 10, ДЩІ).