Бенае хуэдэу лІыгъэ зыхэвгъэлъ икІи Алыхьым хуэпэжу фыщыт

Бенае лІыгъэ зыхэлъ зауэлІу щытт икІи ар пащтыхь Даути, абы и къуэ Сэлмэни хуэлэжьащ. Бенае дин пашэм и къуэт. Дин пашэхэмрэ левитхэмрэ Іэщэ къамыщтэу щытами, ар Иеговэ и зауэхэм жыджэру хэтащ. Псалъэм папщІэ, абы мащэм иса аслъэныр иукІащ икІи ІэщэкІэ зэщІэузэда иныжьми текІуащ. Даут Бенае дзыхь хуищІт икІи къэзыхъумэ и зауэлІхэм я нэхъыщхьэу ар тригъэуващ (2 Сам. 23:20—23).

Авессаломрэ Адониерэ я адэ Даут щыпэщІэувам щыгъуэ, Бенае абы хуэпэжу къэнащ (2 Сам. 8:18; 15:18; 1 Цар. 1:8). Абы нэмыщІ Даут и ныбжьыр щыхэкІуэтам щыгъуи, Бенае Сэлмэн пащтыхь хъуну дэІэпыкъуащ (1 Цар. 1:32—40). Зэрытлъагъущи, Бенае Иегови, абы пащтыхьу щытыну къыхиха цІыхухэми хуэпэжу щытащ, адрейхэм апхуэдэу ямыщІами.

Дэри ШейтІанымрэ абы и лъэныкъуэр зыІыгъхэмрэ дапэщІэтын щхьэкІэ лІыгъэм дыхуэныкъуэщ. Иджыри дэ Алыхьым и хабзэхэм дытетыну быдэу тедухуэн хуейщ (Еф. 6:11; 1 Пет. 5:8, 9). Зыгуэрым Иеговэ къыщигъанэм дежи, дэ абы хуэпэжу дыщытщ икІи и нэфІ къызэрытщыхуэным шэч къытетхьэкъым (2 Сам. 22:26).