Уэ езым е уи унагъуэм и гъусэу бджы хъунур

Дэ цІыху гупышхуэу зэІущІэхэмрэ конгрессхэмрэ Иеговэ дызэрыщыхуэлажьэм нэмыщІ, ди закъуэуи, унагъуэм и гъусэуи абы дыхуолажьэ. Фэ езым е унагъуэм и гъусэу Библиер щывджым деж фщІэ хъунухэр:

• ЗэІущІэм зыхуэвгъэхьэзыр. Уэрэдхэр зэвгъащІэ, унагъуэм щыщхэм фадэІэпыкъу зэІущІэм щатыну жэуапхэр ягъэхьэзырыну.

• Библием щыщ пычыгъуэ феджэ. Фызэджар сурэту фщІыж е абы хэфха дерсыр фтхы.

• Библием ит тхьэлъэІухэм щыщ зы зэпкърыфх икІи фи тхьэлъэІухэм сыт хуэдэ зэхъуэкІыныгъэ хэфлъхьэ хъунуми фегупсыс.

• jw.org сайтым илъ видеохэм щыщ зым феплъи зэпкърыфхыж е абы щыфлъэгъуам фигу ирихьар фтхы.

• ХъыбарыфІ гъэІуным зыхуэвгъэхьэзыр. Псалъэм папщІэ, унагъуэм щыщ гуэрым и гъусэу цІыхум узэрепсалъэ хъун щІыкІэр вгъэлъагъуэ.

• Иеговэ и ІэдакъэщІэкІхэм феплъ, абыхэм Алыхьым теухуауэ къывагъащІэм фегупсыс. Ар уи закъуэуи уи унагъуэм и гъусэуи пщІэ хъунущa.