Лъагъумыхъуныгъэм утекІуэфынущ!

Къыпхуимыхуами, ар зищІысыр пщІэуэ къыщІэкІынщ. ХъыбарыщІэхэм щІэх-щІэхыурэ къат расэ гуэрым е лъэпкъ гуэрым щыщ цІыхухэр зэралъагъу мыхъум икІи къызэрырахуэкІым теухуауэ. ЦІыхухъуитІ е цІыхубзитІ зэрызэгъусэр зылъагъу мыхъухэри куэдщ. Абы къыхэкІкІэ лъагъумыхъуныгъэм кърикІуэ щІэпхъаджагъэхэм ебэнын щхьэкІэ, къэрал куэдым унафэщІэхэр къыдагъэкІын хуей мэхъу.

Лъагъумыхъуныгъэм къишэр лъагъумыхъуныгъэщ. Лъагъумыхъуныгъэр зыхэзыщІахэм ялъ щащІэж мызэ-мытІэу къохъу. Апхуэдэу щыщыткІэ, лъагъумыхъуныгъэм кІэ имыІэу мэхъу.

Зыгуэрым нэмыплъ къыщыуита, ауан ущищІа, уи пщІэр щриудыха е уигъэшынэну щыхэта къыпхуихуагъэнкІэщ. Ауэ лъагъумыхъуныгъэм Іуэху нэхъ Іеижхэри къыщыпэкІуэ къохъу: залымыгъэ, зыгуэрым и цІэр ІейкІэ хэгъэІуэн, зыгуэрым и мылъкур зэтекъутэн, зыгуэрым лей ехын, цІыхур укІын е лъэпкъ псор гъэкІуэдын.

Мы журналым уэ къыщыпщІэнущ мыхьэнэшхуэ зиІэ упщІэхэм я жэуапхэр икІи лъагъумыхъуныгъэм узэрытекІуэ хъунум теухуауэ.

• Мы дунейм апхуэдиз лъагъумыхъуныгъэ щІытетыр сыт?

• Лъагъумыхъуныгъэм дауэ утекІуа хъуну?

• Лъагъумыхъуныгъэ щыщымыІэжыну зэман къэсыну пІэрэ?