Зэщхьэгъусэхэр игъащІэ псокІэ зэдэпсэун хуейщ

Унагъуэ быдэхэм Иеговэ щІыхь къыхуахь икІи езы зэщхьэгъусэхэми гуфІэгъуэ къахуехь (Мк 10:9). Уи унагъуэр игъащІэ псокІэ насыпыфІэу щытын щхьэкІэ, щхьэгъусэ къыщыхэпхкІэ Библием ит принципхэм утетын хуейщ.

Зыгуэрым уригъусэну псом хуэмыдэу уи Іэпкълъэпкъыр нэхъ къыщоныкъуэкъу зэманыр блэмыкІауэ зыми ухуэмызэмэ нэхъыфІщ. А зэманыр блэкІыху уежьэмэ, ущымыуэу, унафэ тэмэм нэхъ къыпхуэщтэнущ (1Кр 7:36). Уэ унагъуэ зэбгъэгъуэтын ипэ Алыхьымрэ уэрэ фи зэхуаку дэлъ зэхущытыкІэр нэхъ быдэ зэрыпщІыным икІи уи хьэл-щэнхэм узэрелэжьыным хущІэкъу. Абы щыгъуэ уэ зэбгъэгъуэта хьэл-щэн дахэхэм фи унагъуэр насыпыфІэ ищІынущ.

Унагъуэ бухуэн ипэ зэман къыдэбгъэкІын хуейщ цІыхум и гум илъыр къэпщІэн щхьэкІэ (1Пт 3:4). Узэпсалъэ цІыхум уигу иримыхьын гуэр дэплъэгъуауэ, зыгуэркІэ гурыщхъуэ пщІымэ, зыхуэгъази абы епсалъэ. ЦІыхухэм я зэхуаку дэлъ сыт хуэдэ зэхущытыкІэм хуэдэуи, нэчыхь ущиІэм деж уи щхьэр япэ йомыгъэщу, уи щхьэгъусэр зыхуейр япэ зэрибгъэщыным уи акъылыр тебухуэн хуейщ (Фп 2:3, 4). Щхьэгъусэ зомыгъэгъуэт щІыкІэ Библием ит принципхэм утету зебгъасэмэ, унагъуэ бухуа нэужьи Библием ит принципхэм утетыну нэхъ тынш хъунущ, уи унагъуэри насыпыфІэ хъунущ.

«ПОДГОТОВКА К БРАКУ. ЧАСТЬ 3: „ПОДСЧИТАЙ ЗАТРАТЫ“» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:

• Ди шыпхъумрэ Шейнрэ я зэхущытыкІэм дапхуэдэу зиужьрэт?

• ЩІалэр нэхъыфІу къыщицІыхуам ди шыпхъур сытым игъэгузавэу хъуа?

• Ди шыпхъум и адэ-анэр дауэ къыдэІэпыкъуа икІи абы сыт хуэдэ унафэ къищтар?