Уи нэчыхьыр хъумэ

Иеговэ нэчыхьыр лъапІэу елъытэ икІи ар хуейщ зэщхьэгъусэхэр игъащІэ псокІэ зэдэпсэуну (Мт 19:5, 6). Иеговэ и Щыхьэтхэм я зэхуэсхэм щапхъэ зытепх хъун унагъуэ насыпыфІэ куэд хэтщ. Ауэ гугъуехь гуэр зэрымылъ унагъуэ щыІэкъым. Мы дунейм щыщ цІыхухэм я гугъэщ унагъуэм гугъуехь гуэр къыщихьэм деж, зэщхьэгъусэхэр щхьэхуэу псэумэ е я нэчыхьыр якъутэжмэ ар хэкІыпІэу, ауэ дэ апхуэдэ еплъыкІэ диІэн хуейкъым. Иеговэ и Щыхьэтхэм дапхуэдэу я нэчыхьыр зэрахъумэжыфынур?

Мыхьэнэшхуэ зиІэ чэнджэщитху зэпкърытхынщ.

1. Уи гур хъумэ. Абы щхьэкІэ нэчыхьым зэран хуэхъуну дэтхэнэ Іуэхугъуэми пэІэщІэ зыхуэтщІын хуейщ. Псалъэм папщІэ, зыгуэрым зыкъыпегъэхыным икІи зинэ щІэным пыщІа нэгу зегъэужьыкІэхэм (Мт 5:28; 2Пт 2:14).

2. Алыхьымрэ уэрэ фи зэхуаку дэлъ зэныбжьэгъугъэр нэхъ быдэ щІы икІи уи нэчыхьым ар игъэгуфІэн щхьэкІэ пхузэфІэкІыу хъуар щІэ (Пс 97:10).

3. Алыхьым ифІэфІ хьэл-щэнхэр адэкІи зыхэлъхьэ. Уи щхьэгъусэм щабэу хущыт икІи абы и гуапэ пщІын щхьэкІэ пхузэфІэкІыу хъуар щІэ (Кл 3:8—10, 12—14).

4. Уи щхьэгъусэм пщІэ хэлъу епсалъэ икІи сэбэпынагъ зыхэлъым узэрытепсэлъыхьыным иужь ит (Кл 4:6).

5. ПІэщхьагъ Іуэхум теухуауэ уи щхьэм фІэкІ уемыгупсысу лъагъуныгъэрэ щабагърэ гъэлъагъуэ (1Кр 7:3, 4; 10:24).

Нэчыхьым пщІэ хуэпщІмэ, унагъуэр зыухуа Иегови пщІэ хубощІ.

«МЫ ДОЛЖНЫ БЕЖАТЬ „СО СТОЙКОСТЬЮ“. СОБЛЮДАЙТЕ ПРАВИЛА» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  Зэщхьэгъусэхэр щызэрыша къудейм деж псори тэмэмми иужькІэ сыт хуэдэ гугъуехьхэр къэхъуфыну?

• 

  Зэщхьэгъусэхэм я зэхуаку лъагъуныгъэ дэмылъыжу къащыхъумэ, дапхуэдэу Библием ит принципхэр сэбэп къазэрыхуэхъунур?

• 

  Иеговэ зэщхьэгъусэхэм сыт хуэдэ унафэхэр ярита?

• Зэщхьэгъусэхэм сыт ящІэн хуейр я унагъуэр насыпыфІэу щытын щхьэкІэ?