Уи тхьэлъэІухэм я жэуапхэр плъагъурэ?

Иеговэ и лэжьакІуэ пэжхэм я тхьэлъэІухэм жэуап зэрыритам теухуауэ Библием щапхъэ куэд итщ. Абыхэм я лъэІухэр Иеговэ зэрызэхихыр икІи ар къазэрыдэІэпыкъур къащыгурыІуэм деж, дауикІ, а цІыхухэм я фІэщхъуныгъэр нэхъ быдэ хъут. Абы къыхэкІкІэ, ди тхьэлъэІухэр пыухыкІауэ зэрыжытІэным икІи Иеговэ жэуап къызэрыдитыр зэрытлъэгъуным дыхущІэвгъэкъу! Ауэ дэ дызэригугъэм хуэдэу абы жэуап къызэрыдимытынкІэ хъунур е дызэрелъэІуам нэхърэ нэхъыбэ къызэрыдитыфынур зыщыдгъэгъупщэнкъым (2Кр 12:7—9; Еф 3:20). Дапхуэдэу Иеговэ ди лъэІухэм жэуап зэрыритыр? Иеговэ дэ:

• гугъуехьым дыпэлъэщын щхьэкІэ къару къытхилъхьэфынущ, гурыщІэ хьэлъэхэм дытекІуэн икІи абырэ дэрэ ди зэхуаку дэлъ зэныбжьэгъугъэр быдэу къэнэн щхьэкІэ къыддэІэпыкъунущ (Фп 4:13);

• унафэ тэмэм къэтщтэну Іущагъ къыдитынущ (Екъуб 1:5);

• зыгуэр тщІэну гукъыдэжи зэфІэкІи къыдитынущ (Фп 2:13);

• дыщыгузавэм деж гупсэхугъуэ къыдитынущ (Фп 4:6, 7);

• нэгъуэщІхэр къигъэсэбэпу дызыхуэныкъуэр къыдитыфынущ икІи ди гур псалъэ дахэкІэ фІы ищІыжыфынущ (1Ин 3:17, 18);

• дызыхуэлъаІуэхэм ядэІэпыкъунущ (Апост 12:5, 11).

«ИЕГОВА — „СЛУШАТЕЛЬ МОЛИТВ“» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:

• УзыншагъэкІэ гугъуехь уиІэмэ, ди къуэш Симидзу и щапхъэм дапхуэдэу къару къызэрыпхилъхьэфынур?

• Симидзу и щапхъэм сытым ухуигъасэрэ?