Пионер лэжьыгъэр

Алыхьым гъунэгъу дыхуэзыщІын мурадхэр дгъэувмэ, ди къарур мыхьэнэ имыІэу дгъэкІуэдынукъым (1Кр 9:26). Мы дунейм и кІэр къосри, Іущагъ хэлъу ди зэманыр къэдгъэсэбэпын хуейщ (Еф 5:15, 16). Унагъуэм зэгъусэу Библием щывджкІэ къэблагъэ служебнэ илъэсым вгъэув хъуну мурадхэм теухуауэ фызэмычэнджэщыфыну пІэрэ? АбыкІэ фэ мы дызэрылажьэ тхылъыр къывдэІэпыкъунущ. Мыбы итщ мурад бгъэув хъунухэм теухуауэ статья зыбжанэ. Абыхэм зэрыунагъуэу фегупсыси, зэрынэхъыфІым хуэдэу унафэ къэфщтэн щхьэкІэ Иеговэ къывдэІэпыкъуну лъэІукІэ зыхуэвгъазэ (Екъуб 1:5).

Псалъэм папщІэ, унагъуэм щыщ зыр общэ пионеру лэжьэн щхьэкІэ, унагъуэ Іуэхухэр зытевгуэшэфыну? Сыхьэт бжыгъэм упэмылъэщыфыну къыпщыхъумэ, уэ узыпэщІэхуэ гугъуехьхэм хуэдэ зиІэ пионерхэм епсалъэ (Пр 15:22, Гъэсэпэтхыдэхэр). Абы нэмыщІ унагъуэр зэгъусэу Библиер щывджкІэ апхуэдэ пионер къевгъэблагъэу фечэнджэщ хъунущ. ИужькІэ пионеру узэрылэжьэн графикыр зэхэлъхьэ. Уэ япэм пионер улажьэу щытамэ, абы щІэбдзэжыну Іэмал уиІэрэ уимыІэрэ егупсыс.

Фи унагъуэм щыщ гуэр зы мазэкІэ е нэхъыбэкІэ подсобнэ пионеру мылэжьэфыну пІэрэ? Уэ къару куэд уимыІэмэ, уи сыхьэт бжыгъэр ирибгъэкъуфынущ, махуэ къэс мащІэ-мащІэурэ хъыбарыфІыр бгъэІумэ. Ауэ махуэ псом узэрылажьэм е школым узэрыщеджэм къыхэкІкІэ хъыбарыфІыр бгъэІуну уэ зэман къыпхуэмынэжынкІэ хъунущ. Апхуэдэм деж уэ школым укъыщаутІыпщкІэ е отпуск къыщыпщтэкІэ подсобнэ пионеру улажьэ хъунущ. Абы нэмыщІ щэбэт махуэу е тхьэмахуэ махуэу тхурытху зыхиубыдэ мазэм подсобнэ пионер лэжьыгъэр къапщтэ хъунущ. Ар уи календарым къыщыхэгъэщ икІи график зэхэлъхьэ (Пр 21:5, Гъэс.).

«БУДЬТЕ МУЖЕСТВЕННЫМИ! ПИОНЕРЫ» ЖЫХУИІЭ ВИДЕОМ ЕПЛЪИ, УПЩІЭМ ЖЭУАП ЕТ:

• Пионеру лэжьэн щхьэкІэ зыгуэр зыхуэзыгъэныкъуэхэм Иеговэ зэрадэІэпыкъур Эммэ Оманн и щапхъэм дауэ къигъэлъагъуэрэ?