Интернетым хэт уэ щыбгъэныбжьэгъур?

Ныбжьэгъугъэм лъабжьэ хуэхъур лъагъуныгъэрэ пщІэрэщ. Псалъэм папщІэ, Даутрэ Ионафанрэ ныбжьэгъу щызэхуэхъуар Даут ДжэлутІ иукІа нэужьщ (1См 18:1). Абыхэм яхэлъ хьэл-щэнхэр зыр зым игу ирихьт. Ныбжьэгъугъэр нэхъ быдэ мэхъу дэ нэхъыфІу дыщызэрыцІыхум деж. Абы зэмани къаруи ехь. Ауэ социальнэ сетьхэм ныбжьэгъу щызэбгъэгъуэтыну гугъукъым. Абы щхьэкІэ зы кнопкэ фІэкІа теппІытІэн хуейкъым. Интернетым ущискІэ птхыным е жыпІэным уегупсысыну зэман уиІэщи, узэрыщыт дыдэр щІэпхъумэу, узэрыщымыт зыкъэбгъэлъэгъуэну Іэмал уиІэщ. Аращи, интернетым хэт щыбгъэныбжьэгъунуми къызэрыхэпхыну щІыкІэм уегупсыс хъунущ. Я жагъуэ сщІынкъым жыпІэу умыгузавэу, умыцІыху цІыхухэр уи ныбжьэгъухэм хомыгъэхьэ. Социальнэ сетьхэм къыхуахьынкІэ хъуну зэраныгъэм егупсысри, языныкъуэхэм мурад ящІащ абыхэм имысыну. Ауэ уэ соцсетьхэр къэбгъэсэбэпмэ, сыт зыщыбгъэгъупщэн хуэмейр?

«СОЦСЕТИ. НЕ ВЕДИТЕ СЕБЯ КАК ДЕТИ!» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:

• 

  Социальнэ сетьхэм сурэт щиплъхьэкІэ е комментарий щыптхкІэ сыт зыщыбгъэгъупщэн хуэмейр?

• 

  Интернетым щыбгъэныбжьэгъунухэр къыщыхэпхкІэ сыт фІыуэ ухэплъэн щІыхуейр?

• 

  Социальнэ сетьхэм узэрис зэманым сыт укІэлъыплъын щІыхуейр? (Еф 5:15, 16).