Псым зыщІэбгъэуэн щхьэкІэ сыт хуэдэ лъэбакъуэхэра пчар?
ДИ ГЪАЩІЭР
Иеговэ и лъэныкъуэр убыд
Уэ Библиер бджын е хъыбарыфІыр бгъэІун щІэбдза къудейуэ щытмэ, псым зыщІэбгъэуэну мурад уиІэу пІэрэ? Апхуэдэ мурад сыт щІэбгъэувын хуейр? Иеговэ уи гъащІэр и ІэмыщІэ иплъхьэу, псым зыщІэбгъэуэныр — ар Иеговэ ныбжьэгъу узэрыхуэхъу япэ лъэбакъуэхэм щыщщ (Пс 91:1). Абы нэмыщІ а лъэбакъуэм уи гъащІэр къригъэлыфынущ (1Пт 3:21). Иеговэ уи гъащІэр и ІэмыщІэ иплъхьэу, псым зэрызыщІэбгъэуэным дапхуэдэу зэрызыхуэбгъэхьэзыр хъунур?
Пэжыр къызэрыбгъуэтам шэч къытомыхьэн щхьэкІэ упщІэ гуэр къыщыхъейм деж ар фІыуэ зэрызэпкърыпхыным иужь ит (Рм 12:2). Уи гъащІэм сыт хуэдэ зэхъуэкІыныгъэ пщІын хуейми къащІи, абы иужь ихьэ. ЗэхъуэкІыныгъэхэр пщІыну ухуэзыгъэушын хуейр Иеговэ бгъэгуфІэну узэрыхуейращ (Пр 27:11, Гъэсэпэтхыдэхэр; Еф 4:23, 24). Иеговэ къыбдэІэпыкъуну сытым дежи елъэІу. Шэч къытомыхьэ Иеговэ уэ къару къызэрыуитыным икІи и къару лъэщымкІэ къызэрыбдэІэпыкъуным (1Пт 5:10, 11). Иеговэ ухуэлэжьэну къару епхьэлІэм ущыгуфІыкІыжынущ, сыт щхьэкІэ жыпІэмэ ар гъащІэ гъуэгухэм я нэхъыфІщ! (Пс 16:11).
«ПУТЬ К КРЕЩЕНИЮ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:
Языныкъуэхэм псым зыщІагъэуэн щхьэкІэ сыт хуэдэ гугъуехьхэм пэлъэщын хуей хъуа?
Уи гъащІэр Иеговэ и ІэмыщІэ иплъхьэн щхьэкІэ уи фІэщхъуныгъэр дапхуэдэу зэрыхэбгъэхъуэфынур?
Псым зыщІэбгъэуэн щхьэкІэ пчын хуей лъэбакъуэхэр ячыну сыт языныкъуэхэр хуэзыгъэушар?
Иеговэ хуэлэжьэну мурад зыщІахэм я гъащІэм дапхуэдэу зихъуэжа?
Уи гъащІэр Иеговэ и ІэмыщІэ иплъхьэу, псым зыщІэбгъэуэным сыт къикІыр?