Адэ-анэхэ, фи сабийхэр вгъасэ!

Мы дыщыпсэу дунейм фІым ІейкІэ, Іейм фІыкІэ щоджэ (Иса 5:20). Иеговэ гущыкІыгъуэу илъытэ Іуэху куэд нобэ цІыхухэм ящІэ. Псалъэм папщІэ, языныкъуэ цІыхухъухэм цІыхухъухэм лъагъуныгъэ хуащІ, языныкъуэ цІыхубзхэми цІыхубзхэм лъагъуныгъэ хуащІ. Дэ ди сабийхэр къадеджэхэм е цІыху цІэрыІуэхэм дэплъеинкІэ хъунущ. Адэ-анэхэ, фэ дауэ фи бынхэм фазэрыдэІэпыкъуфынур мы дунейм и еплъыкІэхэр абыхэм къамыщтэн щхьэкІэ?

Иеговэ и хабзэхэр фи сабийхэм къагурывгъаІуэ (Лв 18:3). Фи сабийм и ныбжьым хуэкІуэу цІыхухъумрэ цІыхубзымрэ зэгъусэным теухуауэ Библием итымрэ Алыхьым тэмэму къилъытэмрэ жефІэ (Вт 6:7). ФызэупщІыж: «Си сабийм ищІэу пІэрэ сыт пщІэну къезэгъми къемызэгъми? И зыхуэпэкІэм кІэлъыплъыжыным мыхьэнэшхуэ зэриІэр къыгурыІуэу пІэрэ абы? Си сабийм ищІэу пІэрэ абы хуитыныгъэ зэриІэр зыщигъэпскІкІэ, и щыгъыныр щызэрихъуэкІкІэ е щыжейкІэ нэгъуэщІ зыгуэр къемызэгъ щІыкІэкІэ къемыІусэну? Си сабийм зыгуэрым порнографие къыщыригъэлъагъукІэ е имыщІапхъэ гуэр ищІэну щыхигъэзыхькІэ абы сыт ищІэн хуейми ищІэу пІэрэ?» Апхуэдэ гъэсэныгъэм фи сабийхэр шынагъэ куэдым щихъумэнущ (Пр 27:12, Гъэсэпэтхыдэхэр; Эк 7:12). Адэ-анэхэ, зыщывмыгъэгъупщэ фи бынхэр Иеговэ и тыгъэу зэрыщытыр. Фэ ахэр зэрывгъасэмкІэ къывогъэлъагъуэ Иеговэ къывита тыгъэр лъапІэу зэрыфлъытэр (Пс 127:3).

«СТРОЙТЕ ДОМ, КОТОРЫЙ УСТОИТ. ЗАЩИЩАЙТЕ ДЕТЕЙ ОТ ЗЛА» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  Языныкъуэ адэ-анэхэр сыт щІэукІытэр цІыхухъумрэ цІыхубзымрэ зэгъусэным теухуауэ я сабийхэм епсэлъэну?

• 

  Адэ-анэхэм я сабийхэр «Зиусхьэным зэрыфІэигъуэм тету» япІын щІыхуейр сыт? (Еф 6:4).

• 

  Адэ-анэхэр я бынхэм цІыхухъумрэ цІыхубзымрэ зэрызэгъусэм теухуауэ епсэлъэну дэІэпыкъун щхьэкІэ Иеговэ и организацэм сыт хуэдэ Іэмэпсымэхэр къыдигъэкІрэ? (w19.05 12, рамкэ).

• Адэ-анэхэмрэ сабиймрэ мыукІытэу зэпсэлъэным сыт мыхьэнэшхуэ щІиІэр?