ДИ ГЪАЩІЭР

Нэгу зегъэужьыкІэхэр Іущагъ хэлъу къыхэх

Сыт Іущагъ хэлъу нэгу зегъэужьыкІэхэр къыхэтхын щІыхуейр? Дэ дызэплъыну фильмыр, дызэдэІуэну уэрэдыр, дызэджэну тхылъыр, къызэІутхыну сайтыр, дызэрыджэгуну видеоджэгухэр къыщыхэтхым деж дэ ди акъылыр сытым етауэ щытыну дыхуейми къыхэтхыу жыпІэ хъунущ. Дэ къыхэтх нэгу зегъэужьыкІэхэм ди ІуэхущІафэхэр елъытащ. Ди жагъуэ зэрыхъунщи, нобэ щыІэ нэгу зегъэужьыкІэхэм и нэхъыбэр Иеговэ илъагъу мыхъу Іуэхугъуэхэм епхащ (Пс 11:5; Гл 5:19—21). Аращ Библием дыкъыщІыхуриджэр Иеговэ зыгъэлъапІэ Іуэхугъуэхэм сыт щыгъуи дегупсысыну (Фп 4:8).

«КАКОЕ РАЗВЛЕЧЕНИЕ ВЫБРАТЬ?» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

Нобэ щыІэ языныкъуэ нэгу зегъэужьыкІэхэр Пасэрей Римым щыІа гладиатор джэгухэм сыткІэ ещхь?
Зэхуэсым щыщ къуэш, шыпхъухэр дауэ ныбжьыщІэхэм ядэІэпыкъуфыну абыхэм Іущагъ хэлъу нэгу зегъэужьыкІэхэр къыхахыну?
Рим 12:9 ит принципым ипкъ иткІэ нэгу зегъэужьыкІэхэр дауэ къызэрыхэтхын хуейр?
Иеговэ и лэжьакІуэхэм къезэгъыу къалъытэ нэгу зегъэужьыкІэхэм я щапхъэ къэхь.

СЫТ ХУЭДЭ ЗЫГЪЭПСЭХУКІЭ УЭ НЭХЪ КЪАПЩТЭР?

Нобэ щыІэ нэгу зегъэужьыкІэ куэдым цІыхум зыри имыщІэу зэманыр зэригъэкІуэным тегъэщІауэ щытщ икІи абыхэм дэ езым ди акъылыр дгъэлажьэу зыгуэр къэдгупсысыну дыхуагъэушкъым. Ауэ абы къикІкъым апхуэдэ нэгу зегъэужьыкІэхэр къыхэтх мыхъуну. Куэдым гу лъатащ уэ езым зыгуэр пщІэуэ зыщыбгъэпсэхум деж абы гуфІэгъуэ нэхъ къызэрыпхуихьым. Псалъэм папщІэ, языныкъуэхэм яфІэфІщ сурэт ящІыну е гитарэ, пианинэ еуэну. НэгъуэщІхэм жьы къабзэм хэту загъэпсэхуну нэхъ къащтэ: хэти спорт лІэужьыгъуэ гуэр къыхех, хэти лъэсу къикІухьын е мэзым, бгым кІуэн ифІэфІщ. Сыт хуэдэ нэгу зегъэужьыкІэ къыхэдмыхами, абы Алыхьым щІыхь къыхуихьын хуейщ (1Кр 10:31).