Иеговэ и лэжьакІуэхэр я зэхуаку дэлъ лъагъуныгъэмкІэ къыбоцІыху. Щхьэхуещэу ущымыт икІи уи пІэм укъыщырашым деж зышыІэ

АБЫ МЫХЬЭНЭШХУЭ ЩІИІЭР: Хьисэ жиІащ: «ФІыуэ фызэрылъагъумэ, фэ си гъуэгу фызэрырикІуэр цІыху псоми ящІэнущ» (Ин 13:34, 35). Апхуэдэ лъагъуныгъэ ди зэхуаку дэлъын щхьэкІэ, щхьэхуещэу дыщытын хуейкъым икІи зытшыІэн хуейщ (1Кр 13:5).

АР ЗЭРЫПЩІ ХЪУНЫР:

• Зыгуэрым псалъэкІэ е ІуэхукІэ уи жагъуэ къищІауэ щытмэ, умыпІащІэу къэувыІи, абы щхьэусыгъуэ хуэхъуам икІи укъэгубжьу щытмэ, абы къыпэкІуэным егупсыс (Пр 19:11, Гъэсэпэтхыдэхэр).

• Дэ псори дызэрыщыуэр икІи е псалъэкІэ е ІуэхукІэ дызыхущІегъуэжын гуэр зэрытщІэр зыщомыгъэгъупщэ.

• ПсынщІэу фызэрызэгурыІуэжыным иужь ит.

«„ФІЫУЭ ФЫЗЭРЫЛЪАГЪУ“. ЩХЬЭХУЕЩЭУ ФЫЩЫМЫТ ИКІИ ФИ ПІЭМ ФЫКЪЫЩЫРАШЫМ ДЕЖ ЗЫФШЫІЭ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Том Ларри тІэкІу зигъэгувэну щелъэІуам, абы ар игу зэрыримыхьар дауэ къызэригъэлъэгъуар?

• Том къэувыІэу зэрыгупсысар абы зишыІэну дауэ къыдэІэпыкъуа?

• Том къэмыгубжьу, пщІэ хуищІу Ларри жэуап зэрыритыжам, мамырыгъэр дауэ къихъума?