Иеговэ и лэжьакІуэхэр я зэхуаку дэлъ лъагъуныгъэмкІэ къыбоцІыху. Зэхуэсым и зэкъуэтыныгъэр хъумэ

АБЫ МЫХЬЭНЭШХУЭ ЩІИІЭР: Хьисэ щаукІынум ипэ къихуэ пщыхьэщхьэм «ахэр пэжу зы ирехъу» жиІэу и гъэсэнхэм щхьэкІэ Алыхьым елъэІуащ (Ин 17:23). Ди зэкъуэтыныгъэр тхъумэн щхьэкІэ, дэ фІыуэ дызэрылъагъун хуейщ икІи ди жагъуэ къызэращІа псор ди гум идгъэлъын хуейкъым (1Кр 13:5).

АР ЗЭРЫПЩІ ХЪУНЫР:

• Иеговэ цІыхухэм яхэлъ фІыр зэрилъагъум щапхъэ тех

• Уи гум къыбгъэдэкІыу нэгъуэщІхэм яхуэгъэгъу

• Фи зэхуаку дэлъа зэгурымыІуэныгъэр блэкІа Іуэху щытмэ, афІэкІа ар уигу къомыгъэкІыж (Пр 17:9)

«„ФІЫУЭ ФЫЗЭРЫЛЪАГЪУ“. ФИ ЖАГЪУЭ КЪЫЗЭРАЩІА ПСОР ФИ ГУМ ИВМЫГЪЭЛЪ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Роликым и япэ Іыхьэм дауэ къыхэщрэ Хелен и жагъуэ къызэращІа псор и гум зэрыригъэлъыр?

• Хелен гупсысэ Іейхэм емыгупсысу нэхъыфІым и акъылыр триухуэну зэрыхузэфІэкІар роликым и етІуанэ Іыхьэм дауэ къыщыгъэлъэгъуа?

• Хелен ищІар зэхуэсым и зэкъуэтыныгъэм дауэ сэбэп хуэхъуа?