Иеговэ къыдит Іэмэпсымэхэр хъыбарыфІыр щыбгъэІум деж Іущагъ хэлъу къэгъэсэбэп

Хьисэ бегъымбар жиІауэ щытащ: «Абы фэ пщІэ щІэфтакъым, фэри пщІэ къеІывмых» (Мт 10:8). А унафэм дытету Библием икІи абы тегъэщІа публикациехэм щхьэкІэ дэ цІыхухэм ахъшэ къеІытхкъым (Апост 8:18—20). ДауикІ, дэ тщІэжын хуейщ ди публикациехэр Тхыгъэ ЛъапІэм ит уасэ зимыІэ пэжхэм зэрытегъэщІар. Аудиозаписьхэр, видеозаписьхэр икІи нэгъуэщІ материалхэр гъэхьэзырыным къарурэ ахъшэ куэдрэ токІуадэ.

ЦІыхум электроннэу зыгуэр къыхуэдгъэнэну мурад щытщІым деж, абы фІыуэ дегупсысын хуейщ (Мт 7:6). ЦІыхум фІэгъэщІэгъуэнрэ фІэмыгъэщІэгъуэнрэ къэпщІэн щхьэкІэ абы узэрепсэлъэным хэт. Мыбдеж къыщыхьа рамкэм ит упщІэхэм языхэзым жэуап быдэ ептыфыну? Узэпсалъэр жыпІэм хуейрэ хуэмейрэ къыбгурымыІуэмэ, зыгуэр электроннэу хуебгъэхьыну хомыгъэзыхь. ДауикІ, цІыхур брошюрэ е нэгъуэщІ публикацие еттыну къыдэлъэІумэ, ди гуапэу дэ ар къыхуэдгъэнэнущ (Пр 3:27, 28).