Пионер лэжьыгъэм и графикхэр

Пионеру улэжьэн щхьэкІэ уи зэманымрэ уи Іуэхухэмрэ фІыуэ зытеухуауэ щытын хуейщ. Тхьэмахуэм сыхьэт 18-кІэ хъыбарыфІыр бгъэІумэ, пионеру улэжьэфынущ икІи зыбгъэпсэхунуи зэман къыпхуэнэнущ. Апхуэдэ графикым и фІыгъэкІэ уэ уэмылъыта Іуэхугъуэ гуэрхэр, псалъэм папщІэ сымаджагъэр е дунейм и щытыкІэ Іейр, зэран пхуэхъунукъым а лэжьыгъэр бгъэзэщІэн щхьэкІэ. ИщІагъым къыщыхьащ график зыбжанэ: махуэ зытІущ фІэкІа мылажьэхэм щхьэкІэ, тхьэмахуэ псом лажьэхэм щхьэкІэ е узыншагъэ тэмэм зимыІэхэм щхьэкІэ. Фи гъащІэм зэхъуэкІыныгъэ гуэр хэфлъхьэу щытмэ, фи унагъуэм щыщ гуэр фокІадэм щыщІэдзауэ пионеру лэжьэфыну къыщІэкІынущ. Унагъуэм зэгъусэу Библиер щывджкІэ абы фегупсысыфыну пІэрэ?