17-НЭ УРОКЫР
Дауэ районым и нэхъыжьхэр къызэрыддэІэпыкъур?
Малави
ХъыбарыфІ гъэІуным теухуа зэІущІэ кІэщІыр ирегъэкІуэкІ
ХъыбарыфІыр егъэІу
Зэхуэсым и нэхъыжьхэм яхуозэ
АлыджыбзэкІэ тха Тхыгъэхэр щІэх-щІэхыурэ топсэлъыхь Варнавэрэ апостол Паулрэ. Ахэр районым и нэхъыжьу лажьэт икІи япэ лІэщІыгъуэм къэунэхуа зэхуэсхэм кІуэт. Сыт щхьэкІэ? Къуэш, шыпхъухэм дэІэпыкъун щхьэкІэ. Зэгуэр Паул Варнавэ жриІащ: «Къуэшхэм я деж дыгъэгъэзэжи, зэрыпсэур зэдгъэгъэлъагъу» (Апостолхэм 15:36). Паул къуэш, шыпхъухэм я фІэщхъуныгъэр нэхъ быдэ ищІын щхьэкІэ километр щэ бжыгъэ икІуну хьэзырт. Ноби районым и нэхъыжьхэм дэр папщІэ гугъу зрагъэхьыну хьэзырщ.
Ди фІэщхъуныгъэр нэхъ быдэ ящІын щхьэкІэ ди зэхуэсым къокІуэ. Районым и нэхъыжьыр зыкІэлъыплъ районым зэхуэс 20 хуэдиз хохьэ. Илъэсым къриубыдэу зэхуэс къэс тІэу макІуэ тхьэмахуэкІэ дэлэжьэну. Абырэ и щхьэгъусэмрэ дэ куэдым дыхурагъэсэфынущ. Ахэр хущІокъу зэхуэсым щыщ дэтхэнэри зрагъэцІыхуну, сабийхэри зи ныбжь хэкІуэтахэри абы хэту. Абыхэм ди гъусэу хъыбарыфІыр унэ-унэкІэ ягъэІу икІи цІыхухэр Библием ирагъаджэ. Районым и нэхъыжьым зэхуэсым и нэхъыжьым и гъусэу къуэш, шыпхъухэр егъэгушхуэ икІи зэІущІэхэмрэ конгрессхэмрэ гъэхьэзыра псалъэ гъэщІэгъуэнхэр щыжеІэ (Апостолхэм 15:35).
Зэхуэсым щыщ дэтхэнэ зыми гулъытэ хуащІ. Районым и нэхъыжьым и къалэныр зэхуэсым щыщхэм я фІэщхъуныгъэр нэхъ быдэ ищІыныращ. Ар зэхуэсым и нэхъыжьхэмрэ и дэІэпыкъуэгъухэмрэ яхуозэ, зэхуэсым иІэ ехъулІэныгъэхэм тепсэлъыхьын икІи чэнджэщ яритын щхьэкІэ. Районым и нэхъыжьыр и зэманми и къаруми щымысхьу къызэрыддэлажьэм фІыгъуэ куэд къытхуехь (2 Коринф 8:23). Абы и фІэщхъуныгъэ быдэмрэ ар Алыхьым пэжу зэрыхуэлажьэмрэ дэ щапхъэфІ тхуохъу (Еврейхэм 13:7, ДЩІ).
Районым и нэхъыжьхэр сыт зэхуэсхэм щІэкІуэр?
Дауэ районым и нэхъыжьыр къызэрыбдэІэпыкъуфынур?