Хэт хъуну Иеговэ и Щыхьэтхэр?

Иеговэ и Щыхьэтхэм ящыщ гуэр пцІыхурэ уэ? Уи гъунэгъухэм, къыбдэлажьэхэм е къыбдеджэхэм яхэтынкІэ хъунущ Иеговэ и Щыхьэт. Е абыхэм ящыщ зым Библием уригъаджэу къыщІэкІынщ. НтІэ, хэт хъуну Иеговэ и Щыхьэтхэр икІи сыт ахэр я фІэщхъуныгъэм теухуауэ нэгъуэщІхэм щІадэгуашэр?

Дэ адрей цІыхухэм дарещхьщ. Иеговэ и Щыхьэтхэр щхьэж и хабзэ зиІэ лъэпкъ зэмылІэужьыгъуэхэм къыхэкІащ. Ябгъэдэлъ мылъкумкІи я лэжьыгъэ ІэнатІэмкІи ахэр зэщхькъым. Дэ тщыщ языныкъуэхэм япэм нэгъуэщІ дин яІыгъащ, хэти Алыхьыр и фІэщ хъуххэтэкъым. Ауэ, Иеговэ и Щыхьэт дыхъун ипэ, Библием итыр дэ куууэ дджащ (Апостолхэм 17:11). Дэ къэтщІар ди фІэщ хъуащ икІи тщІэр къыдгурыІуэу ди гъащІэр Алыхь Иеговэ и ІэмыщІэм итлъхьащ.

Библием ит щІэныгъэр дэ лъапІэу добж. Адрей цІыхухэми хуэдэу, дэ ди гугъуехьи ди ныкъусани диІэжщ. Ауэ, Библием ит принципхэм дызэрытетым и фІыгъэкІэ, ди гъащІэр куэдкІэ нэхъыфІ хъури, нэхъ насыпыфІэ дыхъуащ (Псалом 128:1, 2). Аращ Библием къыщытщІамкІэ дэ адрейхэм дащІыдэгуашэр.

Дэ Алыхьым и хабзэхэм дытету допсэу. А хабзэхэр Библием итщ. Абыхэм ди гъащІэр нэхъыфІ ящІ, адрейхэм пщІэрэ гулъытэрэ яхуэтщІыну икІи цІыху пэжу дыщытыну къыддоІэпыкъу. ЦІыхур а хабзэхэм зэрытетым и фІыгъэкІэ, абы и унагъуэр нэхъ быдэ мэхъу, адрейхэм ядэІэпыкъуу зрегъасэ икІи къабзагъэм тету мэпсэу. Алыхьым «цІыху псори и зэхуэдэу зэрыщытыр» дощІэри, лъэпкъ зэхэгъэж тщІыкъым икІи политикэм дыхэІэбэкъым. Иеговэ и Щыхьэтхэм Алыхьыр фІыуэ ялъагъу икІи а лъэпкъыр дуней псом щопсэу. Дэ адрей цІыхухэм дарещхьми, лъэпкъыу дыкъапщтэмэ, адрейхэм дакъыхощ (Апостолхэм 4:13; 10:34, 35).

• Иеговэ и Щыхьэтхэр адрей цІыхухэм ещхьу сыт жыпІэ щІэхъунур?

• Библием ит щІэныгъэм и фІыгъэкІэ Иеговэ и Щыхьэтхэм я гъащІэм дауэ зэрызихъуэжар?