Алыхьым фІыуэ дыкъилъагъуу пІэрэ?

НОБЭРЕЙ дунейр гугъуехькІэ гъэнщІащ. Зауэхэм, гузэвэгъуэшхуэхэм, къулейсызыгъэм, Іулъхьэ тыным икІи нэгъуэщІ насыпыншагъэхэми цІыху мелуан куэдым гуауэ къахуехь. Уэри махуэ къэс гугъуехь куэдым урихьэлІэу къыщІэкІынщ. Ахэр зыгуэрым къыфІэІуэхуу пІэрэ? Хэт уэ къыбдэІэпыкъуфынур?

Шэч къытомыхьэ ахэр Алыхьым къыфІэмыІуэхуу зэрыщымытым. Абы и Псалъэм щыжеІэ: «ЦІыхубзым и сабий быдзафэр щыгъупщэнкІэри хъуну, икІи и кІуэцІ къикІам гущІэгъу хуимыщІынкІэри хъуну? Къапщтэмэ, анэми щыгъупщэфынущ, ауэ сэ уэ усщыгъупщэнукъым»a.

Анэм и сабийм хуиІэ лъагъуныгъэм нэхърэ нэхъ гуащІэ щыІэкъым, ауэ Алыхьым дэ къытхуиІэ лъагъуныгъэр нэхъ гуащІэжщ. Гупсэхугъуэкъэ ар пщІэну? Алыхьым дэ зэи дыкъигъэнэнукъым! Абы нэмыщІ, Ар дэІэпыкъуэгъу къытхуэхъуащ. Дауэ? ГъащІэм насып зэрызэдгъэгъуэтыфын Іэмалыр дигъэлъэгъуащ — ар фІэщхъуныгъэ пэжыращ.

ФІэщхъуныгъэ пэжым уэ насыпыфІэ уищІыфынущ. Абы и фІыгъэкІэ узыІущІэ гугъуехьхэм ехъулІэныгъэ уиІэу упэлъэщыфынущ икІи нэгъуэщІ гугъуехь куэдым зыщыпхъумэфынущ. Алыхьым нэхъ гъунэгъу ухуэхъунущ икІи гупсэхугъуэ бгъуэтынущ. Апхуэдэ фІэщхъуныгъэм и фІыгъэкІэ Жэнэтым мыухыж гъащІэ уиІэу ущыпсэуфынущ. Сыту гъащІэ дахэ къытпэщылъ!

Ауэ сыт фІэщхъуныгъэ пэжыр зищІысыр? Ар дауэ зэрызэдгъэгъуэтыфынур?