Mantha Ĩvinda Wĩmanyĩsye Ĩũlũ wa Ngai

Maũndũ maku makaaĩla wamantha ĩvinda wĩmanyĩasye ĩũlũ wa Ngai na ũyĩthĩwa mũnyanyae. Yĩla weeka ũu, wĩthĩawa ũyĩanĩsya nzaa yaku ya kĩ-veva. Sũanĩa kĩla Yesũ wamanyĩisye ĩũlũ wa ũndũ ũsu.

Kĩla Yesũ wawetie

“Nĩ atanu ala mesĩ me na nzaa ya kĩ-veva.”—Mathayo 5:3.

• Ithyonthe nĩtwendaa kũkwata mosũngĩo ma makũlyo ta: Kĩeleelo kya kwĩthĩwa thayũ nĩ kĩva? Nĩkĩ kwĩ mathĩna maingĩ? Vethĩawa ata yĩla mũndũ wakwʼa? Nĩtwaĩle kũmanya mosũngĩo ma makũlyo ta asu nĩ kana twĩkale twĩ atanu.

“Mũndũ ndekalaa thayũ nũndũ wa mũkate wʼoka, ĩndĩ nũndũ wa kĩla ndeto yumaa kanywʼanĩ wa Yeovaa.”—Mathayo 4:4.

• O ũndũ twĩthĩawa na vata wa kũya lĩu wa kĩ-mwĩĩ, nowʼo twĩthĩawa na vata wa kũya lĩu wa kĩ-veva. Yesũ nĩwoonanisye ũtheinĩ kana twaĩle kũmwĩkwatya Ngai atwĩanĩĩsye nzaa yitũ ya kĩ-veva.

“Ndeto yaku nĩyo wʼo.”—Yoana 17:17.

• Yesũ oonanisye kana nzĩa ĩla nene Ngai ũtũmĩaa kwĩanĩsya nzaa yitũ ya kĩ-veva nĩ kwĩsĩla Ndeto yake, Mbivilia.

Twĩkwĩkĩa vinya ũmanthe ĩvinda wĩmanyĩsye ĩũlũ wa Ngai na ũyĩanĩsya nzaa yaku ya kĩ-veva, nĩ kana ũkwate ũtanu wa wʼo. Vaa ve syĩndũ itonya kũũtetheesya kwĩka ũu:

• Soma Mbivilia vate ndĩvi.

• Kũlya ũmanyĩwʼe Mbivilia vate ndĩvi nĩ mwalimũ.