Nthimo
5 Mwanawa, tea kũtũ wĩwʼe ũĩ wakwa.
Ĩthukĩĩsye nesa* kĩla ngũũmanyĩsya ĩũlũ wa kũvathũkany’a maũndũ.
2 Nĩ kana ũsũvĩe ũtonyi waku wa kũsũanĩa
Na ũisũvĩa ũmanyi na ilomo syaku.
3 Nĩkwĩthĩwa ilomo sya mũndũ mũka mwau* ilovotangaa ta ĩwa ya ũkĩ wa nzũkĩ,
Na kanywʼa wake nĩ mwololo kwĩ mauta.
4 Ĩndĩ mũthya ethĩawa e ũũ ta mũtĩ wĩ ũũ
Na e mũĩ ta ũvyũ mũĩ ngalĩ syelĩ.
5 Maaũ make matheeaa kĩkwʼũnĩ.
Matambya make matongoeasya ĩmwe kwa ĩmwe nginya Mbũanĩ.*
6 Ndasũanĩaa o na vanini kasĩla ka thayũ.
Alũaa e nzĩanĩ yake, ĩndĩ ndethĩawa esĩ vala ũendete.
7 Yu, ana makwa, mbĩthukĩĩsyei
Na mũikethyũũe mũtie kĩla ngũweta.
8 Ĩkalai vaasa vyũ nake;
Mũikathengeee mũomonĩ wa nyũmba yake,
9 Nĩ kana mũikanenge andũ angĩ ndaĩa yenyu
Na mũikakethe myaka ya maũndũ ma kũmwananga;
10 Nĩ kana aeni maikamine syĩndũ syenyu*
Na kĩla mũthũkũmĩĩte kĩikathi nyũmbanĩ ya mũeni.
11 Mwaema kwĩka ũu, mũkaluma mũthyanĩ wa thayũ wenyu
Yĩla nyama syenyu na mĩĩ yenyu ikathela vinya
12 Na mũyasya: “Ko ndamenete kũlũngwa!
Ngoo yakwa ko ĩtavũthĩĩasya ũkanyʼo!
13 Ndyaaĩthukĩĩsya wasya wa amanyĩsya makwa
O na ndyaatea kũtũ nĩthukĩĩsye alimũ makwa.
14 Nĩnavika mũniinĩonĩ wa kwanangwa vyũ
Nĩ katĩkatĩ wa ũmbano wʼonthe.”*
16 Syo mbuluti* syaku nĩsyaĩle kũnyaĩĩkwʼa nza,
Na tũlũsĩ twaku twa kĩwʼũ iwanzanĩ sya ndũa?
17 Nĩsyĩthĩwe syĩ syaku wĩ weka,
Ĩndĩ iikethĩwe syĩ syaku vamwe na aeni.
Eka nondo syakyo ikwĩanĩae* mavinda onthe.
Na kĩla ĩvinda ũitanĩthawʼa mũno nĩ wendo wakyo.
20 Kwoou, mwanawa, ve kĩtumi kyaũ kya kũtanĩthawʼa nĩ mũndũ mũka mwau*
Kana kũkumbatĩa kĩthũi kya mũndũ mũka kĩlaalai?*
21 Nĩkwĩthĩwa nzĩa sya mũndũ syĩthĩawa mbee wa metho ma Yeova;
Nũthianaa tũsĩla twake twʼonthe.
22 Ũla mũthũku akwatawʼa nĩ mavĩtyo make mwene,
Na akakwatĩwʼa makandanĩ ma naĩ yake mwene.
23 Akakwʼa nũndũ wa kũema kũlũngwa
Na akaa nũndũ wa ũtumanu wake mwingĩ.