Yovu

37 “Nũndũ wa ũu, ngoo yakwa nĩkũnaa mũno

Na ĩithaanyũka kuma vandũnĩ vayo.

 2 Ĩthukĩĩsye nesa wasya wake mũito

Na kĩtundumo kĩla kyumaa kanywʼanĩ wake.

 3 Aũlekasya na mĩtũkĩ ungu wa matu onthe

Na atũmaa ũtisi wake itulunĩ sya* nthĩ.

 4 Ĩtina wa ũu, wasya wa kũluma nĩwĩwʼĩkaa;

Atundumaa na wasya wĩ na vinya mwingĩ,

Na ndasiĩĩaa ũtisi yĩla wasya wake weewʼĩka.

 5 Ngai atundumaa na wasya wake kwa nzĩa ya kũsengyʼa;

Ekaa maũndũ manene tũtatonya kũelewa.

 7 Ngai aũngamasya maũndũ onthe ma andũ*

Nĩ kana kĩla mũndũ ũtonya kũkwʼa amanye wĩa wa Ngai.

 8 Nyamũ sya kĩthekanĩ iendaa isumonĩ syasyo*

Na iendeeaa kwĩkala isumonĩ syasyo.

 9 Kĩseve kya kĩuutani kĩuutanaa kuma kasũmbanĩ kakyo,

Na mbevo ĩetawe nĩ iseve ila syumaa ngalĩko ya ĩũlũ.

10 Nũndũ wa mĩthũmũ ya Ngai, ĩa nĩyũkaa,

Na kĩwʼũ kingĩ kyũmaa kĩkatwʼĩka mbalavu.

11 Ĩĩ, atumaa matu maitavwʼa nĩ malovoto ma kĩwʼũ;

Anyaĩĩkasya ũtisi wake matunĩ;

12 Mathiũũkangaa na mĩtũkĩ vala wamatongoesya;

Meanĩasya ũndũ o na wĩva ũla wameaĩa ĩũlũ wa nthĩ ĩla yĩkalawa.*

13 Yĩthĩwe nĩ kwondũ wa ũsilĩlo* kana nĩ kwondũ wa nthĩ

Kana kwondũ wa wendo ũtathelaa, nũtumaa kĩu kĩthĩwa.

14 Ĩthukĩĩsye ũndũ ũũ Yovu;

Vindya na ũisũanĩa nesa mawĩa ma kũsengyʼa ma Ngai.

15 We nĩwĩsĩ ũndũ Ngai ũtongoeasya* matu

Na ũndũ ũtumaa ũtisi ũtisa kuma matunĩ make?

17 Nĩkĩ ngũa yaku ĩvyũvaa

Yĩla nthĩ ĩuĩtye nũndũ wa kĩseve kya ngalĩko ya ĩtheo?

18 Yo we, wĩ nake, no mũtambũũkye yayaya*

Yĩla yĩthĩawa yĩ yũmũ ta kĩoo kya kyũma?

19 Tũtavye kĩla twaĩlĩte kũmũtavya;

Tũitonya kũmũsũngĩa nũndũ twĩ kĩvindunĩ.

21 O na mayĩthĩawa matonya kwona kyeni,*

O na kau kĩkenete yayayanĩ,

Nginya kĩseve kĩvĩte na kĩikua matu.

22 Ngalĩkonĩ ya ĩũlũ vaumaa kĩndũ kĩseo mũno kĩilye thaavu;

Ũtheu mũtisu wa Ngai nĩ wa kũkĩwa na kũnengwa ndaĩa.

23 Tũitonya kũelewa Mwene Vinya Wʼonthe;

E ũtonyi mwingĩ,

Na ndesaa kwelelũkya ũsili wake wa katĩ na ũlũngalu wake mwingĩ.