Se Egagọ Jihova Gboja Wọhọ Manaen

Evaọ oke anwae, Manaen ọ jọ usu ahwo nọ a jẹ kobaro evaọ ukoko Antiọk. Ọyomariẹ avọ “Herọd osu ubrotọ na a gbe kpohọ isukulu.” (Iruẹru 13:1) Fikiere ọ riẹ obe ziezi. Yọ o wọhọ nọ ahwo uwou riẹ a wo ugho.

Rekọ Manaen ọ ta nọ ọ rẹ gọ Jihova yọ o je fiobọhọ kẹ ukoko na. Ọ rrọ ohwo jọ, nọ orọnọ o kpohọ isukulu ziezi na, ọ tẹ jẹ riẹ ahwo nọ a jọ ekwa egọmeti na, ọ hae te dhogbo epanọ o re ro fe je wo okpodẹ. Rekọ o ru ere he, kọ inievo na ọ ta nọ ọ rẹ gbodibo kẹ.

Oware nọ Manaen o ru na u dhesẹ nọ re a gọ Jihova họ oware nọ o mai woma kpaobọ orọnikọ re ohwo o wo efe akpọ na ha. Oriruo riẹ u wuhrẹ omai nọ re ma gọ Jihova họ oware nọ o rẹ mae jọ omai oja orọnikọ epanọ ma re ro le eware akpọ họ. (Mat. 6:33) U te no ere no, dede nọ o thọ họ re ohwo o kpohọ isukulu, ma rẹ daoma “vuhu eware nọ e mae roja” mu. Ma vẹ daoma re eware efa nọ ma bi ru e gbẹ lẹliẹ omai kpemu evaọ egagọ Jihova ha.—Fil. 1:9, 10.