Ẹme-Obotọ

a O gwọlọ nọ Ileleikristi a re roro kpahe ehrẹ Ebaibol nọ a tẹ gwọlọ ru oware jọ. Ma re rri ehrẹ sa-sa nọ Ebaibol ọ kẹ kpahe oware nọ ma gwọlọ ru na. Kọ eye ma ti kugbe rọ jiroro na. Jihova ọ kẹ omai ẹvori nọ ma sai ro roro oware ziezi. Ma tẹ be hai roro oware te re ma te ru, ma re ru eware nọ e rẹ were Jihova. Jihova ọ vẹ ghale omai. Evaọ oke anwae, isu egagọ ahwo Ju a fi izi buobu họ kẹ ahwo nọ a je koko. Rekọ egagọ Ileleikristi e jọ ere he. Fikiere ahwo Ju nọ a kurẹriẹ ziọ egagọ Ileleikristi a rẹ daoma riẹ epanọ a re roro oware didi re a sae riẹ oware nọ o te were Ọghẹnẹ.