Ruẹrẹ Emamọ Iyo nọ Whọ te Kẹ Kpahe

Mai kpobi ma wo uvẹ nọ ma rẹ rọ kẹ iyo nọ ma te kpohọ ewuhrẹ. Yọ iyo nọ ma rẹ kẹ na e rẹ bọ inievo mai ga. (Hib. 10:24, 25) Kọ ẹvẹ ma sae rọ kẹ emamọ uyo nọ o rẹ bọ ohwo ga?

• Lẹ se Jihova. Lẹe re o fiobọhọ kẹ owhẹ re whọ sae kẹ uyo nọ o rẹ wha orro sei, jẹ tuduhọ inievo na awọ.—Ol. 35:18.

• Ruẹrẹ oma kpahe ziezi re who gbe se uyo na no obe ze he. Nọ whọ tẹ be rọ ẹme obọra kẹ uyo, ogbẹrọnọ ese who bi sei no obe na ze he, inievo na a ti wo erere noi ze. Keme oghẹrẹ nọ whọ te rọ ta ẹme na u ti dhesẹ nọ ẹme na o mu owhẹ ẹro.

• Ruẹrẹ uyo ra họ kpẹkpẹe. Nọ uyo ra o tẹ rrọ kpẹkpẹe, jẹ rrọ vevẹ, ẹsiẹe ẹme ra na ọ rẹ mai te inievo na udu. Yọ u re ru nọ inievo efa a sae rọ kẹ uyo evaọ ewuhrẹ na re.—Itẹ 10:19.

• Whọ rọ uyo ra whọku ahwo ho. Whọ tẹ be kẹ uyo, who kpeze uyo na se oniọvo jọ họ hayo whọ rehọ iẹe whọku ukoko na soso ho.

Nọ a gbẹ maki se owhẹ re whọ kẹ uyo ho, whọ sai gbe ru eware jọ rọ tuduhọ inievo na awọ. Whọ sae gaviezọ ziezi kẹ iyo amọfa, nọ a te ku ewuhrẹ họ no, who ve yere inievo na ziezi kẹ emamọ iyo rai.—Itẹ 10:21.