Jesu “O Wuhrẹ Ẹmeoyo”

Jesu ọ jẹ hai yoẹme kẹ Jihova no vẹre taure ọ tẹ te ziọ otọakpọ. (Jọn 8:29) Kọ fikieme Ebaibol ọ rọ ta nọ: “O wuhrẹ ẹmeoyo no eware nọ ọ ruẹ uye rai ze”?—Hib. 5:8.

Ebẹbẹ nọ i te Jesu evaọ otọakpọ na e jọ obọ odhiwu nọ o no ze he. Ọsẹgboni riẹ a jẹ gọ Jihova ziezi rekọ ahwo nọ a gba ha a jọ. (Luk 2:51) Isu egagọ avọ ahwo ologbo egọmeti a gu erue fihọ Jesu uzou je kienyẹe. (Mat. 26:59; Mak 15:15) Jesu “ọ romakpotọ je yoẹme te epanọ o ro whu” uwhu oja.—Fil. 2:8.

Edawọ nọ i te Jesu okenọ ọ jọ otọakpọ i te rie okenọ ọ jọ obọ odhiwu hu. Fikiere o lẹliẹ e riẹ wuhrẹ epanọ a re yoẹme nọ edawọ nọ e make ga i te te odibo Ọghẹnẹ. Eware nana i ru nọ Jesu ọ rọ rrọ emamọ Ovie gbe Ozerẹ Okpehru, keme ọ te re ohrọ mai fikinọ ọ riẹ oghẹrẹ nọ eware e rrọ kẹ omai. (Hib. 4:15; 5:9) Jesu ọ ghare Jihova obọ gaga vi epanọ ọ jọ vẹre fikinọ o yoẹme ghelọ eware egaga nọ e via kẹe. Nọ ma te bi yoẹme kẹ Jihova o tẹ make rọnọ ebẹbẹ i zere omai, ma rẹ ghare iẹe obọ gaga. Yọ ọ rẹ sae rọ omai ru iruo kpobi keme o fievahọ omai.—Jem. 1:4.