Kọ Whọ be Hae Gaviezọ kẹ Ebaibol nọ A Se Do Via Na?

Eme họ Ebaibol nọ a se do via na? Onana yọ Ebaibol Efafa Akpọ Ọkpokpọ nọ a wariẹ fa na nọ a rekọdo, nọ ohwo ọ rẹ sae gaviezọ kẹ. A be hai siobọno enọ a rekọdo no ẹmẹrera evaọ evẹrẹ buobu. Oware jọ nọ u woma gaga evaọ Ebaibol nọ a se do via na họ, du ohwo kpobi nọ ọ jọ Ebaibol na ta ẹme, du ọvuọ uvou riẹ nọ a ro se eme riẹ. A daoma rọ uvou nọ u fo oria kpobi ro se eme na, re a sai se Ẹme Ọghẹnẹ gbagba ziezi.

Irere vẹ i bi te ahwo nọ a be hae gaviezọ kẹ Ebaibol nọ a se do via na? Ahwo buobu nọ a be hae gaviezọ kẹ Ebaibol nọ a se do via na kẹse kẹse a ta nọ o were rai gaga, keme o rẹ wọhọ ẹsenọ a rrọ oria nọ oware na o be jọ via na. A ta nọ ọvuọ uvou riẹ nọ a ro se eme ahwo nọ e rrọ Ebaibol na, u bi ru nọ o rọ wọhọ nọ a be ruẹ eware nọ e be via na, onọ u bi fiobọhọ kẹ ai wo otoriẹ Ebaibol na ziezi. (Itẹ 4:5) Ahwo buobu a ta nọ, nọ a tẹ be gaviezọ kẹ Ebaibol nọ a se do via na, o rẹ lẹliẹ udu te ai otọ nọ a tẹ be ruawa.—Ol 94:19.

Nọ ohwo ọ tẹ gaviezọ kẹ Ẹme Ọghẹnẹ nọ a se do via, u re duobọtei gaga. (2Ir 34:19-21) Otẹrọnọ a se oma Ebaibol na soso hayo amabọ jọ riẹ do via no evaọ ẹvẹrẹ nọ who re yo, kọ u gbe ti woma re whọ hae gaviezọ kẹe ẹsikpobi nọ whọ gwọlọ yo Ẹme Ọghẹnẹ?

WHA RRI IVIDIO NA OGHẸRẸ NỌ A RO RU EBAIBOL NỌ A SE DO VIA NA—AMABỌ JỌ RIẸ, KẸSENA WHA VẸ KUYO ONỌ NANA:

Eme ọ jọ oghẹrẹ nọ a ro ru Ebaibol nọ a se do via na were owhẹ?