Ru Eware nọ E rẹ Lẹliẹ Owhẹ Fievahọ Jihova inọ O ti Siwi Owhẹ

Se Ikelakele 13:25–14:4 re whọ ruẹ epanọ ahwo Izrẹl a gbe ro fievahọ Jihova ha.

Kiẹ kpahe eware efa nọ e via. Eme ahwo Izrẹl a ruẹ nọ o hai ti fiobọhọ kẹ ae fievahọ Jihova nọ a je no Ijipti? (Ol. 78:12-16, 43-53) Eme o wha riẹ ze nọ a gbe fievahọ Jihova ha? (Izie. 1:26-28) Eme Joshua avọ Kelẹb a ru nọ u dhesẹ nọ a fievahọ Jihova riẹriẹriẹ?—Ik. 14:6-9.

Gbẹ kiẹ iku na ziezi. Re ahwo Izrẹl a sai fievahọ Jihova, eme a hai ti ru? (Ol. 9:10; 22:4; 78:11) Nọ ma te fievahọ Jihova, ẹvẹ o rẹ rọ lẹliẹ omai kẹe adhẹẹ?—Ik. 14:11.

Wuhrẹ eware jọ no iku na ze. Nọ omara nọ:

• ‘Eme ọ rẹ sae via nọ o rẹ lẹliẹ omẹ riẹ sọ me fi eva mẹ kpobi họ Jihova?’

• ‘Eme me re ru nọ u re fiobọhọ kẹ omẹ fievahọ Jihova obọnana, makọ ẹdẹfa dede?’

• ‘Kọ me fievahọ Jihova inọ o ti siwi omẹ evaọ okenọ uye ulogbo na o tẹ ze no?’—Luk 21:25-28.