Ebi A Ha Luẹ Bhi Obọle Nọnzi 7

Okha ọsi Sọl nin Ojie bi Devid nin Ojie, ọle a tẹmhọnlẹn bhi ọne obọle nan. Emhin ne sunu bhi ẹkẹ ikpe 80, ọle a tẹmhọnlẹn bhi ọne okha. Sọl wo ha mhọn idegbere bhi ọsi ọhẹnhẹn, yẹ mun ofẹn Osẹnobulua. Akizẹbue, ọle da fidenọ, ọle bha yẹ ha hẹnmhọn nin Osẹnobulua. Bhiriọ, Jehova da he ọle. Osẹnobulua da taman Samuẹl nin ọle zẹ Devid, nin ọle ha yi ojie ọsi Izrẹl. Ọnan da re Sọl ha mhọn ikhu da Devid, yẹ dọnmhegbe igba ne bunbun nin ọle rẹ gbe Devid a. Ọkpakinọn, Devid bha lu haosa. Jonatan nin ọmọn nọnsi Sọl lẹnmhin ghe, Jehova zẹ Devid, bhiriọ, ọle da sun rẹkhan Devid. Devid wo lu emhin ebe ne kaka, ọrẹyiriọ, ọle da wo miẹn adia nọnsi Jehova ọbhi egbe. Ahamiẹn aba la inẹn uwẹ khin, rẹkpa ọmọn nọnsẹ rẹ lẹn ghe, ọ wo manman lu uhọnmhọn-emhin nan rẹ ha re obọ ọbhi emhanmhan nọnsi Osẹnobulua.