Ziẹn Urẹọbhọ Nin Uwẹ Mhọnlẹn Ghe Jehova Dẹ Sabọ Miẹn Uwẹ Fan

Tie Numbers 13:25–14:4 nin uwẹ rẹ daghe ebi ibhokhan Izrẹl bha rẹ mun udu nyan Jehova yẹ.

Manman gbẹlokotọ bhi ebi a tẹmhọnlẹn. Bezẹle nọn da rẹ khẹke nin ibhokhan Izrẹl rẹọbhọ ghe Jehova dẹ sabọ rẹkpa ele beji ele ha sibhi otọ Ijipt re? (Ps. 78:​12-16, 43-53) Bezẹle nin ele bha da yẹ ha mun udu nyan Jehova? (Deut. 1:​26-28) Be Josua bi Kelẹb rẹ rẹman yẹ ghe ele mun udu nyan Jehova?—Num. 14:​6-9.

Manman gua otọ ọne ẹmhọn dinmhin. Emhin nela ọ rẹ khẹke nin ibhokhan Izrẹl lu nọn ha rẹkpa ele rẹ manman ha mun udu nyan Jehova? (Ps. 9:10; 22:4; 78:11) Be nan rẹ ha mun udu nyan Jehova bi nan rẹ ha mun ekpẹn nanlẹn rẹ diẹn kugbe yẹ?—Num. 14:11.

Guanọ emhin kpataki ne ribhọ. Nọọn egbe ẹ:

• ‘Idia nela mẹn ha kuẹlo da nọn ha sabọ dọnmhẹn urẹọbhọ nin mẹn mhọn da Jehova?’

• ‘Be mẹn ha lu rẹ manman ha mun udu nyan Jehova nian bi bhi ẹghẹ odalo?

• ‘Bezẹle nọn bha da khẹke nin mẹn ha mun ofẹn ekpokpo nọn khua nọn vade?’—Luk 21:​25-28.