EMHIN NE GHANLẸN NE RIBHI BAIBO | LUKE 8-9
Be Ọkhẹke Nin Mhan Ha Lu Nin Mhan Rẹ Sabọ Ha Rẹkhan IJesu?
Ọria nọn mun ugbo a ha guanọ nin ebi ọle gua rẹkhan ọwala ọkpa, ọkhẹke nin ọle denọ ẹlo bhi ebi ọle lu nan da miẹn ghe ọle bha fi ọne egua dọn. Iriọ yẹ nọn rẹji ene rẹkhan iJesu. Ele ida ji emhin ne ribhi ọne agbọn nan denọ ele ẹlo sibhi oga re.—Php 3:13.
Sade mhan ribhi ọkakale, emhin nọn lẹkhẹ nọn nin mhan rẹ ha re ọkhọle nanbhi ebi iẹnlẹn ka dia mhan yẹ. Mhan bhọ sabọ ha ria ẹmhọn ebi iẹnlẹn ka diaye ọkuẹsẹ mhan dọ nanbhi oga ẹmhọanta. Ọkhọle nọnsẹmhan ki ha taman mhan ghe ọne ẹghenin iẹnlẹn rẹ mhẹn nẹ. Mhan bhọ ki ha riale ghe emhin bha nọghọ mhan sẹnian ẹghenin. Ọnin ebi ibhokhan Izrẹl ha lu ẹghe nin ele rẹ sibhi otọ Egypt re. (Nu 11:5, 6) Ahamiẹn emhin ne dia inian mhan ria, ọ sabọ rẹ mhan fikie dọ ha lu emhin nin mhan da ka re obọ kie. Ọkhẹke nin mhan ha ria ẹmhọn emhin esili nin Jehova sẹ lu nin mhan, bi ene ọle da yẹ lu nin mhan bhi Agbejele nọnsọle.—2Co 4:16-18.