Rẹ Na Bhi Ẹghe Ọsi Ene Ijie Dọ Sẹbhi Ẹghe Nan Rẹ Kie Bọn Ogbe Ọsi Jerusalẹm

Ebe sẹbhi ikpe 600, ọle emhin rebhe nan tẹmhọnlẹn bhi ọne obọle nan rẹ sunu. Okha ọsi Jonatan, nin ọmọn nọnsi Sọl nin Ojie a rẹ mun ọlẹn hẹn; a da yẹ tẹmhọn Devid nin ojie ọhẹnhẹn ọsi Izrẹl, nọn wo sun rẹkhan Jehova. A da yẹ gbokha ọsi ẹbho eso ne ga Jehova rẹ dọ sẹbhi ẹghe nin ẹbho nesi Osẹnobulua rẹ fikiere bhi imun nin ele ha ye bhi Babilọn, bi ebi ele rẹ kie bọn ogbe ọsi Jerusalẹm yẹ. Mhan dẹ miẹn emhin luẹ bhi obọ Abigẹ, Netan, Ẹlaija, Daniẹl, Ẹsta, Nẹhimaya, bi ẹbho ebhebhe. Ọ da khẹke nin ene ẹbho nan re izebhudu man bhi idia kẹkẹ nin ele ha ye. Bhi ọsi ijiẹmhin, eso gbẹloghe bhi agbaẹbho nin ẹbho da ha sọtẹ da Jehova. Eso da sẹyẹ sun rẹkhan Jehova arẹmiẹn ene gbẹloghe bha lu iriọ. Eso da sekha nin ẹbho nesi Osẹnobulua ne fikekegbe ọle, yẹ ha ga ẹbọ.