Ọle Da Khian Rẹkhan Osẹnobulua

ENỌK wo dikẹ bhi ẹwẹ ẹbho nin ele ko ha nyẹnlẹn. Ranmhude ọnan, asabọmiẹn ẹgheso ọle ki ha riale ghe ọle ọkpa khian. Ẹghe nin ọle rẹ ha ribhi agbọn, ọle ọkpa ọria nin Baibo yọle ghe, ‘ọ khian rẹkhan Osẹnobulua ọsi ẹmhọanta.’ Be Enọk rẹ khian rẹkhan Osẹnobulua yẹ? Be okha ọsi Enọk ha rẹ rẹkpa mhan rẹ ha mhọn izebhudu yẹ?

Uwedẹ eva Enọk rẹ rẹman ghe ọle khian rẹkhan Osẹnobulua ọsi ẹmhọanta. Ọhẹnhẹn, ọle bha ka deba ẹbho ne i mhẹn ne ha nyẹnlẹn bhi ẹghe nọnsọle lu emhin ne bha gba. Ọria nọnzi ihinlọn bhi ulin-uwa ọsi Adam bi Ivi, ọle Enọk khin. Bhi ọne ẹghe nan, Adam sẹyẹ wo ribhi agbọn, ọkpakinọn ọle wo manman dọmanlẹn. (Fẹ “Rẹ Na Bhi Ẹghe Ọsi Enọk Dọ Sẹbhi Ẹghe Ọsi Samuẹl” ghe.) Rẹ na bhi ẹghe nin Adam bi Ivi rẹ mhọn akan-ehọ da Osẹnobulua, ẹbho ne bunbun da wo ha re egbe khọkhọ ele. Ọmọn nọnsi Adam natiọle Keni, da gbe obhio ọle nin Ebẹl a. Ebẹl hi ọria ọhẹnhẹn nọn mhọn urẹọbhọ da Osẹnobulua. Imọn nesi Keni bi eyẹ nesọle da yẹ wo diabe ọle, ele bhọ da khọ nẹ ọle. (Gen. 4:​23, 24) Enọk bha diabe ẹbho ne gbugbe ne nẹga ọle. Ọle da ha yi ọria nọn mhẹn bi ọria nọn fu. Ọnan da wo ti Osẹnobulua bhọ.

Ọkuẹsẹ a biẹ Enọk, “ẹbho da munhẹn ha tie elin nọnsi Jehova.” (Gen. 4:26) Ọ i yi uwedẹ esili ele rẹ ha noo ọne elin, ele wo ha re unun ji Osẹnobulua, yẹ noo elin nọnsọle bhi oga ohoghe. Enọk bha deba ele. Ọle wo hoẹmhọn Jehova yẹ ha mun ekpẹn nin elin nọnsọle. Ranmhude ọnan, ọle bha deba ẹbho ne nẹga ọle ha riia elin nọnsi Osẹnobulua a.

Be hi uwedẹ nọnzi eva nin Enọk rẹ rẹman ghe ọle khian rẹkhan Osẹnobulua ọsi ẹmhọanta? Ọle da hẹnmhọn nin Jehova yẹ miẹnsọn nin Osẹnobulua mun nanlẹn. Jehova da je ọle nin ọle dọ wewe uhọnmhunje man eria ne i mhẹn, ọnan bha ha yi ẹsọn nọn lẹkhẹ. Bhiriọ, ọ da wo manman khẹke nin Enọk ha mhọn izebhudu. Ọnan hi uhọnmhunje nin Enọk wewe man eria ne i mhẹn: “Jehova bi ẹhi nesọle da vae dọ bhuohiẹn ẹbho rebhe, yẹ bhuohiẹn gbe eria ọbe rebhe bhi emhin ebe nin ele lu, nin ele rẹ re ẹlo gbe Osẹnobulua a, yẹ ta ọta awaa da ọle.”

Enọk da ta ọne ẹmhọn nan bọsi emhin nọn sunu fo. Uwedẹ nin ọle rẹ tale da rẹman ghe a i da miẹn ebe ha zẹ ẹmhọn nin ọle tale bha munsẹ. Ẹmhọn nọn kaka ọle Enọk taman ene ẹbho nan. Ọle da tie ene eria, “eria ọbe” yẹ tie emhin nin ele lu “emhin ebe.” Edandan i ribhọ ghe ene ọta nan nin Enọk ta, dẹ wo manman re ẹkẹ khọ ene ẹbho. Ọrẹyiriọ, ọle da sẹyẹ re izebhude taman ele ebi Jehova guanọ nin ele họn.

Be ele ki lu yẹ? Baibo bha taman mhan tee ebi ene ẹbho lu yẹ. Ọkpakinọn, ẹmhọn nin Baibo tale rẹman ghe, ẹghe ribhọ nin Enọk rẹ ha ribhi okhẹnan. Be mhan rẹ lẹn yẹ? Baibo yọle: “Osẹnobulua da re ọle, bhiriọ, ọle bha yẹ ha ribhọ.” Bezẹle nin Osẹnobulua da re ọle? Asabọmiẹn ene ẹbho ne i mhẹn wo ha kpokpo Enọk. Ranmhude Jehova bha guanọ nin ene ẹbho nan re obọ oya mun Enọk yẹ gbe ọle a, ọle da re iẹnlẹn nọnsọle. Bhiriọ, ọria soso i da sabọ kuan ọlẹn. Bhi ẹghe odalo, Osẹnobulua dẹ riọ ọle kpanọ nin ọle kie dọ ha nyẹnlẹn.

Ọkuẹsẹ Osẹnobulua re Enọk kpanọ, Jehova da lu emhin kpataki nanlẹn. Baibo da yọle: “[Osẹnobulua] da ka rẹman ọlẹn ghe, ọle lu ebe ti ọle bhọ.” Asabọmiẹn Osẹnobulua da rẹman Enọk bhi imianlo ghe, ọle dẹ nyẹnlẹn bhi otọ ọfubhegbe bhi ẹghe odalo. Ọnan da rẹkpa Enọk rẹ lẹn ghe Jehova wo manman hoẹmhọn ọlẹn. Sẹyẹ, ọ dẹ nan erọnmhọn nanlẹn bhi urẹọbhọ bi izebhudu nin ọle rẹman.

Tie ọne okha bhi Baibo:

• Genesis 5:​21-24

• Hibru 11:5

• Jud 14, 15

Inọnta:

Uwedẹ nela Enọk rẹ re izebhudu man?

Manman Guanọ Otọle

1. 1. Uwedẹ nela ẹbho rẹ “munhẹn ha tie elin nọnsi Jehova”? (Gen. 4:26; w01 9/15 29 ¶3)

   Ewanniẹn nọnsẹ

2. 2. Iwẹnna nela Enọk lu nin ọria ọbhebhe bha sẹ ka lu khẹ ọkuẹsẹ ẹghe nọnsọle? Be ọle rẹ sabọ lu iwẹnna nan mun nanlẹn yẹ? (w01 9/15 31 ¶5)

   Ewanniẹn nọnsẹ

3. 3. Bezẹle nin mhan ha da sabọ yọle ghe ọkuẹsẹ Enọk munhẹn ha lu iwẹnna akhasẹ, ọle dẹ lẹnmhin ghe ọkhẹke nin ọle manman ha mhọn izebhudu nin ọle rẹ sabọ lu ọne iwẹnna? (w06 10/1 19 ¶13-14) 1

   Ewanniẹn nọnsẹ

   

4. 4. Be uwẹ ha rẹ sabọ rẹman yẹ ghe ọ i yi ẹgua-okhun Enọk diọ i beji ẹbho ne bunbun rẹọ i? (Jọni 3:13; Hib. 11:​5, 13)

   Ewanniẹn nọnsẹ

Ria Eria Nyan Emhin Nin Uwẹ Luẹle

• Idia nela ọ da manman khẹke nin mhan re izebhudu tẹmhọn Osẹnobulua? Bọsi Enọk, be ha sabọ rẹkpa mhan? 2

  Ewanniẹn nọnsẹ

  

• Be ọ dia Jehova bhi egbe yẹ sade mhan re izebhudu ha ga ọle? (Prov. 27:11; Hib. 11:5)

  Ewanniẹn nọnsẹ

• Be uwẹ ha rẹ sabọ re egbe khọkhọ Enọk yẹ bhi uwedẹ nin ọle rẹ re izebhudu man?

  Ewanniẹn nọnsẹ

Ria Ẹmhọn Jehova Bi Iho Nọnsọle

• Be ọne okha nan man mẹn le rẹji Jehova?

  Ewanniẹn nọnsẹ

• Be ọne okha nan rẹ diẹn mun iho nọnsi Jehova yẹ?

  Ewanniẹn nọnsẹ

• Be mẹn ha nọọn Enọk le sade a riọ ọle kpanọ bhi uu?

  Ewanniẹn nọnsẹ

Sẹyẹ Fẹ Ene Emhin Nan Ghe

Be ijiẹmhin ọsi Enọk ha rẹ rẹkpa uwẹ yẹ sade ẹwẹ ẹbho ne khọn okhọn-okhọn yẹ gbugbe uwẹ da nyẹnlẹn?

Re Egbe Khọkhọ Ene Mhọn Urẹọbhọ, Ọ Iyi Ene Imhọn Urẹọbhọ—Enọk, Ọ Iyi Lamẹk (2:53)

Tie ọne okha nan nin uwẹ rẹ lẹn ebe rẹkpa Enọk rẹ ha mhọn urẹọbhọ.

“Sẹyẹ Khian Rẹkhan Osẹnobulua Aharẹmiẹn Uwẹ Ribhi Ọnọghọ” (w05 9/1 13-17)