Ikristian Esali Jehova Khin?

Ehe. Ikristian mhan khin ranmhude enin emhin nan:

• Mhan dọnmegbe nin mhan rẹ lu rẹkhan iman-emhin ọsi Jesu Kristi bhi ebọle ta bi unyemhin nọnsọle.—1 Peter 2:21.

• Mhan rẹọbhọ ghe iJesu uwedẹ nin mhan da min imiẹnfan, ghe “elin ọbhebhe i ribhi okhun ẹlinmhin nan rie nin eria nin mhan ada min umiẹnfan.”—Acts 4:12.

• Eria ha gbe egbe ruẹ bha amẹn nerẹ kin Esali Jehova, eki gbe egbe ruẹ bhi elin nọnsi Jesu.—Matthew 28:18, 19.

• Mhan nerọmhọn bhi elin nọnsi Jesu.—John 15:16.

• Mhan rẹọbhọ ghe iJesu ọle azẹle nọn ayi uhọnmhon eria rebhe.—1 Corinthians 11:3.

Bhi uwedẹ eso, mhan dikẹ bhi otu oga nekele nantiele Kristian. Bosi ijiemhin, Mhan rẹọbhọ ghe beji Baibo ta, Jesu Omọn nọnso Osẹnobulua nọn, ọlei yi ọkpa bhi iman-emhin ọsi Osẹnobulua ea bhi ukpọkpa. (Mark 12:29) Imhan bha rẹọbhọ ghe emhin ribhi ẹkẹ egbe ọsi ọria noi yu sọ ọria uu, ghe Osẹnobulua mhọn agberanlẹn nọn ọle ada tuẹ ẹbho a bhi ighegheghe, la ghe eria ne munkalo bhotuẹ ha munin elin ne kpọnọ ne egbẹ ele, ranmhude iBaibo bha tale bhirio.—Ecclesiastes 9:5; Ezekiel 18:4; Matthew 23:8-10.