Bọlu ọsi Wọd Kọp Nan Gbe De Be Gene Sabọ Re Okugbe Re?—Be Baibo Ta Yẹ?

A yọle ghe ọ dẹ sabọ sẹ itue ẹbo isẹn bhi ijanlẹn uli ne ha ghe ọne bọlu ọsi Wọd Kọp nan ha gbe bhi Novẹmba 20 rẹ sẹbhi Dizẹmba 18, 2022. Ẹbho eso riale ghe, rẹ gbera ọne okugbe nan miẹn bhọ beji ẹbho rẹ ko ghe ọne ibọlu nan, emhin ebhebhe yẹ ribhọ nọn ọne ibọlu ha sabọ si re.

• Ọ re ọhubhudu nin ẹbho. Ọ mhọn ebi ọ rẹ ku ẹbho kugbe yẹ.”—Nelson Mandela, nọn ka ha yi prẹsidẹnti ọsi South Africa.

• a

Wọd Kọp la gemu nọn hi ki rẹ khin dẹ be gene sabọ re ẹbho lu emhin nọn sẹ iriọ? Mhan dẹ be gene sabọ miẹn ọfure bi okugbe?

Ọ dẹ be sabọ ku ẹbho kugbe?

Ọ iyi bọl nan gbe ọkpa ẹbho eso ha ria ẹmhọn ọlẹn bhi ọne Wọd Kọp nan. Ọ da ha re ẹbho tẹmhọn iẹnlẹn bi isẹhoa nin ẹbho mhọnlẹn rẹ zẹ ebi ele ha lu. Ọ da yẹ re ẹbho ha tẹmhọn agbaẹbho nọn mhẹn nẹ bi agbaẹbho nọn mhọn igho nẹ.

Ọrẹyiriọ, ọ wo yẹẹ ẹbho ne bunbun rẹ ha gbẹghe rẹ ghe gemu kẹkẹ nin agbaẹbho kẹkẹ ko gbe, bii Wọd Kọp. Ọkpakinọn, arẹmiẹn ghe ẹbho ne bunbun rẹ ha riale ghe ene gemu nan dẹ sabọ ku ẹbho kugbe, ọne okugbe itọ. Sokpan, uwaegbea nin ene gemu nan si re bi uwedẹ nin ẹbho nọn imhẹn nin ẹbho ki rẹ lu emhin ẹlẹnan rẹman ghe “ẹghe ọkike” nin Baibo tẹmhọnlẹn mhan ki da nyẹnlẹn.—2 Timothy 3:1-5.

Ebe ha gene re okugbe re bhi ọne agbọn nan

Baibo tẹmhọn ebi ọrebhe bhi ọne agbọn nan ha rẹ sabọ ha ribhi okugbe yẹ. Ọ yọle ghe ẹghe vade nin ọrebhe ne nyẹnlẹn bhi ọne otọ nan ha rẹ ha ribhi okugbe bhi Agbejele nọnsi Osẹnobulua nọn ha na okhun ha gbẹloghe.—Luke 4:43; Matthew 6:10.

Jesu Kristi nin Ojie ọsi ọne Agbejele dẹ lu ọle nin ọfure gba ije rebhe bhi ọne otọ nan. Baibo yọle:

• Ọle dẹ miẹn ele fan bhi obọ ene denyẹnyẹn ele, bi ene ne ele khọnlẹn.”—Psalm 72:12, 14.

Emhin nin Jesu man ẹbho le sẹ wo rẹkpa ẹbho ne bunbun ẹlẹnan nian rẹ sabọ ha ribhi okugbe bhi agbaẹbho ne bun sẹbhi 239. Ele iyẹ he ẹbho. Nin uwẹ rẹ luẹ ba ọnan, tie ene uhọnmhọn-ọta ne ribhi ọne uhọnmhọn-ọta nọn yọle, “Ebe Ha Rẹkpa Uwẹ Rẹ Sabọ Khọn Ihegbe Miotọ.”