UNYẸNMHIN NỌN KHẸKE ENE RẸKHAN IJESU
Ewanlẹn Ne Khu Ọbhi Ọmhẹn ọsi Ẹbho Nesi Jehova
Ẹbho ne bunbun ire ẹlo esili ghe ẹbho ne ribhi ihe. Ọ iyi ẹmhọn ele sade iriọ ele rẹ ghe ele, ranmhude ọ buele nin ẹbho mọn da noo ihe nin ele ye rẹ ha khu ọbhi ọsi egbe ele ọkpa. (Mic 7:3) Mhan wo ghọghọn ghe ewanlẹn bhi agbotu wo guẹ rẹ noo ihe nin ele ye rẹ khu ọbhi ọmhẹn ọsi ẹbho nesi Jehova.—Es 10:3; Mt 20:25, 26.
Ewanlẹn bhi agbotu bha diabe ẹbho ne ribhi ihe bhi ẹkẹ ọne agbọn nan. Oyẹẹ nin ele mhọn da Jehova bi ẹbho nesọle zẹle nin ele da ga bhi ihe nin ele ye. (Joh 21:16; 1Pe 5:1-3) Jesu hi ọnọn sun ene ewanlẹn nan ne gbẹloghe ọdeọde bhi ẹkẹ agbotu beji a ha da miẹn ghe, ele ki sẹyẹ ha ribhi agbotu nọnsi Jehova yẹ sabọ ha sikẹ ọle. Ele kẹ wo re ẹjẹje re izebhudu nin ihuan nesi Jehova yẹ rẹkpa ele sade emianmhẹn iguaguako la emhin idunmhuri sunu ji ele. Ahamiẹn emhin sunu ji uwẹ, taman ọkpa bhi ene ewanlẹn bhi agbotu nọnse.—Jas 5:14.
GHE ỌNE IVIDIO NATIỌLE EWANLẸN NE GBẸLOGHE ENE IHUAN. BHA HA KI GHE ỌLE FO, WANNIẸN ENE INỌNTA NAN:
Elele nela Mariana miẹn bhi urẹkpa nin ene ewalẹn re nanlẹn?
Elele nela Elias miẹn bhi urẹkpa nin ene ewalẹn re nanlẹn?
Be okha nọnsele man uwẹ le rẹji iwẹnna nin ene ewanlẹn lu?