UNYẸNMHIN NỌN KHẸKE ENE RẸKHAN IJESU
Jehova Rẹkpa Mhan Rẹ Ziẹngbe Ọnọghọ
Mhan wo kuẹlo da ọnọghọ kẹkẹ bhi ọne ẹghe ọkike nan. Ẹgheso, mhan ki ha riale ghe ene ọnọghọ kpọnọ nẹ mhan gbe. Sokpan, ahamiẹn ghe mhan sikẹ Jehova, ọle ki rẹkpa mhan ziẹngbe ene ọnọghọ, aharẹmiẹn ele manman kaka. (Isa 43:2, 4) Be mhan ha rẹ sabọ sikẹ Jehova yẹ sade mhan kuẹlo da ọnọghọ?
Erọnmhọn. Mhan ha tan ọkhọle a man Jehova, ọle ki re ọfure nin mhan yẹ re ọne ahu nin mhan rẹ sabọ ziẹngbe.—Php 4:6, 7; 1Th 5:17.
Ikolo oga. Jehova ne ebale ọriọn bi ikolu ne mhẹn nin mhan bhi ikolo oga nesẹmhan. Ọkhẹke nin mhan ha sọnyẹnmhẹn bhọ gbera ọnikhẹ. (Heb 10:24, 25) Ahamiẹn mhan muegbe ikolo oga ọbhi otọ yẹ re ewanniẹn ọbhi inọnta bhi ikolo oga, ọle mhan ha da sabọ miẹn elele bhi obọ ẹlinmhin nọn khiale.—Re 2:29.
Itẹmhọn Osẹnobulua. Ahamiẹn mhan lu nọnsẹn bhi iwẹnna itẹmhọn Osẹnobulua, ọ ki lẹkhẹ nin mhan rẹ sabọ ha miẹn eghọnghọn bhi iẹnlẹn. Sẹyẹ, ọ ki rẹkpa mhan rẹ sabọ ziẹn ikolu nin mhan bi Jehova bi ibhio mhan ko mhọnlẹn.—1Co 3:5-10.
GHE ỌNE IVIDIO NATIỌLE JEHOVA DẸ MIẸN UWẸ ỌBHI EGBE. BHA HA KI GHE ỌLE FO, WANNIẸN
ENE INỌNTA NAN:
Be rẹkpa Malu rẹ sẹyẹ sikẹ Jehova arẹmiẹn ọle kuẹlo da ọnọghọ?
Be Psalm 34:18 ha rẹ sabọ re ikoudure nin mhan yẹ sade mhan ribhi ọnọghọ beji ọ rẹ rẹkpa Malu?
Beji mhan miẹn luẹ bhi okha ọsi Malu, be Jehova rẹ re “ahu nọn gbera eji ahu ọsi ọria sẹle” nin mhan yẹ bhi ẹghe ọnọghọ?—2Co 4:7