Rẹọbhọ Ghe Uwẹ Dẹ Sabọ Ziẹngbe Sade Uwẹ Bha Miẹn Rẹ Lu

Ọnọghọ kẹkẹ a miẹn bhi ọne ẹghe ọkike nan. Beji mhan rẹ bu ọkpẹnlẹn ọsi ọne agbọn nan, emhin dẹ wo ha kaka ọbhọ. Ẹghe eso dẹ ha ribhọ nin mhan ida miẹn rẹ lu. (Hab 3:16-18) Be ha rẹkpa mhan rẹ rẹọbhọ ghe mhan dẹ sabọ ziẹngbe bhi ẹghe nọn sẹriọ? Ọkhẹke nin mhan ha mun udu nyan Jehova. Ọle vele ghe, ọle dẹ gbẹloghe eguọmhandia nesọle, yẹ rẹ ebi ele guanọ nin ele bhi idia nọn hi ki rẹ khin nin ele ye.—Ps 37:18, 19; Heb 13:5, 6.

Ebi uwẹ ha sabọ lu:

• Bhii Jehova nin ọle dia uwẹ, re ẹwanlẹn nin uwẹ, yẹ rẹkpa uwẹ.—Ps 62:8

• Muegbe rẹ lu iwẹnna nin uwẹ bha sẹ ka lu khẹ.—g 1/10 8-9, ẹkpẹti

• Ha mhọn emhanmhan nin uwẹ rẹ ha tie Baibo ẹdẹ-ẹdẹ, yo ikolo oga, bi iwẹnna itẹmhọn Osẹnobulua

GHE ỌNE IVIDIO NATIỌLE BỌN UWA NỌN HA SABỌ TỌ—‘JI EMHIN NIN UWẸ MHỌN KHỌN UWẸ.’ BHA HA KI GHE ỌLE FO, WANNIẸN ENE INỌNTA NAN:

• Ọnọghọ nela azagba-uwa eso sẹ kuẹlo da?

• Emhin nela kokhun nẹ bhi iẹnlẹn?

• Be imhan ha rẹ sabọ rẹkpa ẹbho ne bha miẹn rẹ lu yẹ?