Re Iziẹngbe Ha Re Ọkhọle Rebhe Khẹ Ọne Ẹghe

Eka ikpe ki nọn nian nin uwẹ da khẹ Agbejele nọnsi Osẹnobulua? Uwẹ mhọn ọkakale nin uwẹ fẹkẹ ziẹngbe ọle? (Ro 8:25) Ibhio mhan eso wo kuẹlo bhi ọkakale kẹkẹ. Eso ribhọ nan re oya nan, a mun eso khue, eso bhọ ribhọ nan ho nan gbe a ranmhude urẹọbhọ nọnsele. Ene bunbun yẹ wọ ziẹngbe emianmhẹn kẹkẹ. Sẹyẹ, eso ribhọ ne ziẹngbe ọnọghọ kẹkẹ nin idọmanlẹn si re.

Be ha rẹkpa mhan rẹ sẹyẹ ha ziẹngbe khẹ Agbejele nọnsi Osẹnobulua aharẹmiẹn mhan ribhi ọkakale? Ọkhẹke nin mhan ha tie iBaibo yẹ ria eria nyan ọlẹn ukpẹdẹ-ukpẹdẹ. Ọnan dẹ re urẹọbhọ nọnsẹmhan deziẹn. Ọ yẹ khẹke nin mhan ha mun ọkhọle bhi ene emhin rebhe nin Osẹnobulua yọle ọle dẹ lu nin mhan bhi ẹghe odalo. (2Co 4:16-18; Heb 12:2) Deba enin, mhan ki ha nan erọnmhọn ji Jehova, yẹ bhii ọle nin ọle re ahu ẹlinmhin nọnsọle nin mhan. (Lu 11:10, 13; Heb 5:7) Aba mhan nin Jehova dẹ sabọ rẹkpa mhan nin mhan rẹ ha re eghọnghọn ziẹngbe.—Col 1:11.

GHE ỌNE IVIDIO NATIỌLE IZIẸNGBE MHAN DA RẸ RE UNẸ—HA MHỌN ỌLẸN BHI ỌKHỌLE GHE UWẸ DẸ MIẸN ỌNE ELELE. BHA HA KI GHE ỌLE FO, WANNIẸN ENE INỌNTA NAN:

• 

  Be hi emhin eso nan bha mhankọbhọ ne ha sabọ sunu ji mhan? (Ec 9:11)

• 

  Be erọnmhọn rẹ rẹkpa mhan yẹ sade mhan ribhi ọkakale?

• 

  Ahamiẹn ghe uwẹ iyẹ sabọ lu eka nin uwẹ ka lu khẹ bhi oga nọnsi Jehova, bezẹle nọn da khẹke nin uwẹ denọ ẹlo ọbhi eka nin uwẹ sabọ lu nian?

• 

  Be bhọ rẹkpa uwẹ rẹ ha mhọn ọne iruduba ghe uwẹ dẹ miẹn ọne elele?