Mhan Khuẹnmhẹn Osẹnobulua bi Jesu Kristi bhi Umiẹnfan Nin Mhan Ha Miẹn bhi Ẹghe Odalo

Emhin nela uwẹ ne dan ukpẹdẹ-ukpẹdẹ? Ọdafẹn-uwa uwẹ be khin nọn mhọn ẹsọn ne bunbun bhi obọ? Okpea la okhuo uwẹ be khin nan miẹn ghe uwẹ bi imọn nesẹ ọkpa ko nyẹnlẹn kugbe, bhiriọ uwẹ ọkpa wẹnna kaka rẹ gbẹloghe ele? Ọlasẹre uwẹ be khin nan miẹn ghe ibo ẹ bhi isiku zuọzuọ? Emianmhẹn la idọmanlẹn uwẹ be ne dan? Mhan rebhe mhọn emhin kẹkẹ nin mhan ne dan. Ibhio mhan ne bunbun ribhọ nan miẹn ghe emhin ne bunbun ele wo re osukpa ne dan. Ọkpakinọn, mhan lẹnmhin ghe mhan dẹ kẹ miẹn umiẹnfan bhi obọ ene emhin nan rebhe.​—2Co 4:​16-18.

Ọkuẹsẹ ọne ẹghe nin, ọ ko mhan udu re rẹ lẹn ghe, Jehova lẹn otọ ebi mhan ne dan bhi iẹnlẹn. Asun-rẹkhan bi iziẹngbe nin mhan mhọnlẹn wo ti ọle bhọ, sẹyẹ, ọle dẹ kẹ nan erọnmhọn ne bunbun nin mhan bhi ẹghe odalo. (Jer 29:​11, 12) Ẹmhọn mhan yẹ manman rẹso iJesu. Beji mhan rẹ lu iwẹnna nọn khẹke iKristiẹn ukpẹdẹ-ukpẹdẹ, ọle taman mhan yọle: “Mẹn ne ibha dia.” (Mt 28:20) Ahamiẹn mhan re ẹghe ọbhi otọ rẹ ria eria nyan umiẹnfan nin mhan ha miẹn bhi Agbejele nọnsi Osẹnobulua, ikhuaẹloghe nin mhan mhọnlẹn ki ha ziẹn ọbhọ. Sẹyẹ, mhan ki sabọ ha ziẹngbe ọnọghọ nin mhan ye.​—Ro 8:​19-21.

GHE ỌNE IVIDIO NATIỌLE, BEJI ỌNIN EFI RẸ HA SIKẸ OTỌ, HA MHỌN IKHUAẸLOGHE DA IJESU!​—EMHIN ESILI NIN AGBEJELE DA MUN RE. BHA HA KI GHE ỌLE FO, WANNIẸN ENE INỌNTA NAN:

• Be imhan nin eria rẹ yulu a sibhi obọ Osẹnobulua re yẹ? Bhiriọ, be ki nabhọre?

• Erọnmhọn nela khẹ ọrebhe ne ga iJehova nọnsẹn bhi ẹghe odalo?

• Be emhin nọn mhẹn sẹ iriọ ha rẹ sabọ sunu yẹ?

• Ive nela uwẹ khẹ ne munsẹ bhi ẹghe odalo?