Uwẹ Dẹ Sabọ Ha Tẹmhọn Osẹnobulua Yẹ Man Ẹbho IBaibo!

Ẹghe nin Jehova rẹ mun iwẹnna nin Moses, Moses da rẹ ha riale ghe ọle ida sabọ lu ọle. (Ex 4:​10, 13) Emhin nọn sẹnian sẹka sunu ji uwẹ khẹ? Ahamiẹn ghe ọria nọn deba Esali Jehova luẹ iBaibo uwẹ khin, uwẹ sabọ ha riale ghe uwẹ ida sabọ tẹmhọn Osẹnobulua na bhi ukuwa rẹ sẹbhi ukuwa. Ahamiẹn ghe usẹn uwẹ khin, ofẹn sabọ rẹ ha mun uwẹ nin uwẹ rẹ tẹmhọn Osẹnobulua bhi isiku. Sẹyẹ, ofẹn sabọ ha mun eso bhi ẹwẹ mhan nin ele rẹ re ifoni tẹmhọn Osẹnobulua la nin ele rẹ lu iwẹnna itẹmhọn Osẹnobulua nan da re ebe waa. Ọnọn iki rẹ khin, bhii Jehova nin ọle re ahu ẹlinmhin nọn khiale nọnsọle rẹ rẹkpa uwẹ. (1Pe 4:11) Rẹọbhọ ghe Jehova dẹ rẹkpa uwẹ rẹ miẹnsọn nọn ki rẹ khin nin ọle mun nin uwẹ.​—Ex 4:​11, 12.

GHE ỌNE IVIDIO NATIỌLE HA YI ỌRIA IZEBHUDU . . . ỌNỌN TẸMHỌN OSẸNOBULUA. BHA HA KI GHE ỌLE FO, WANNIẸN ENE INỌNTA NAN:

• Ọnọghọ nela obhio mhan nin Aoyama ha mhọnlẹn?

• Be re izebhudu nanlẹn?​—Jer 20:​7-9

• Elele nela ọle miẹn nin ọle rẹ zegbere rẹ lu gbera eka nin ọle ka lu bhi oga nọnsi Jehova?

• Ọnọghọ nela uwẹ mhọn bhi iwẹnna itẹmhọn Osẹnobulua, nin Jehova ha sabọ rẹkpa uwẹ rẹ khọn miotọ?