Bezẹle Nin Jehova Da Fi Elin Nọnsi Abram bi Sarai Denọ?

17:1, 3-5, 15, 16

Jehova da ghe Abram bii ọria nọn khiale. Ẹghe nin ọle rẹ ha taman Abram emhin esili ebhebhe ne ha deba ive nin ọle ve nanlẹn, ọle da fi elin nọnsi Abram bi Sarai denọ ranmhude emhin nọn ha munsẹ bhi egbe nọnsele bhi ẹghe odalo.

Beji elin nin ọle mun hẹ ele gene mundia nan, Abraham da kiẹn aba ọsi agbaẹbho ne bunbun. Sarah da yẹ kiẹn inẹn odede ọsi ijie ne bunbun.

• 

  Abraham

  Aba ọsi Ẹbho Ne Bunbun

• 

  Sarah

  Ọmọn Okhuo ọsi Ojie

Ọ iyi mhan tobọmhan zẹ elin nan mun hẹ mhan ẹghe nan rẹ biẹ mhan. Mhan ida sabọ tobọmhan zẹ. Ọrẹyiriọ, bọsi Sarah bi Abraham, mhan dẹ sabọ re uwedẹ iẹnlẹn nọnsẹmhan mun elin hẹ egbe mhan. Nọọn egbe nọnsẹ:

• ‘Be imẹn ha lu nin Jehova da sabọ ha ghe mẹn bii ọria nọn khiale?’

• ‘Unan ọria nela mẹn khin bhi ẹlo nọnsi Jehova?’