Ye Amhẹn ILot Re

Bezẹle nin amhẹn iLot da ghe ikeke ẹghe nin ele rẹ ha nẹ sibhi Sodom re? Baibo bha taman mhan ebezẹle. (Ge 19:17, 26) Ẹmhọn nin Jesu tale rẹ mhan lẹn ghe asabọ miẹn ghe emhin nin ọle fiya bhi Sodom, ele sẹyẹ ha re ọle bhi ọkhọle. (Lu 17:31, 32) Be imhan ha lu yẹ nin emhin nọn sunu ji amhẹn iLot hẹi sunu ji mhan? Mhan ida ji ẹmhọn igho ha yi emhin nin mhan mun kalo bhi iẹnlẹn. (Mt 6:33) Jesu da tale ghe ọria “ida sabọ ha yi igbọn nọnsi Osẹnobulua sẹyẹ ha yi igbọn ọsi afe.” (Mt 6:24) Mhan ha ki kere ghe ẹmhọn igho mhan ki mun kalo bhi iẹnlẹn? Be ọkhẹke nin mhan lu yẹ? Ọkhẹke nin mhan bhii Jehova nọn re ewanlẹn nin mhan rẹ daghe eji ọkhẹke nin mhan da fidenọ. Mhan ki yẹ bhii ọle nọn re ahu bi izebhudu nin mhan rẹ sabọ fidenọ.

UWẸ SẸYẸ YERE EBI UWẸ GHE BHI ỌNE VIDIO NATIỌLE YE AMHẸN ILOT RE? RE EMHIN NIN UWẸ GHE BHI ỌNE IVIDIO RẸ WANNIẸN ENE INỌNTA NAN:

• 

  Be uwedẹ nin Gloria rẹ ria eria, uwede nin ọle rẹ lu emhin bi ọta nin ọle ta ki rẹ fidenọ yẹ ranmhude ọle khu ọbhi afe?

• Be bhọ mhan miẹn luẹ bhi emhin nọn sunu ji amhẹn iLot?

• Be adia ne ribhi Baibo rẹ rẹkpa iJoe bi azagba-uwa nọnsọle yẹ?

• Be bhọ imọẹ nin Anna ha mhọn bhi isi iwẹnna rẹ ha ria ọle a yẹ?

• Bezẹle nọn da khẹke nin mhan ha mhọn izebhudu sade ọria, la ọkhọle mhan sua mhan bhọ nin mhan mun ẹmhọn igho kalo bhi iẹnlẹn?

• Be bhọ Ben bi Gloria rẹ kie sabọ denọ ẹlo bhi oga yẹ?

• Adia kẹkẹ nela bhi Baibo a rẹman bhi ọne ividio nan?