Imianlo Nọn Mun Urẹọbhọ Zeze

9:1-7

Riale ebi ọ dia iJesu bhi egbe yẹ ẹghe nin Jehova rẹ tobọle re urulu nọnsọle tale ghe iJesu hi Ọmọn nọnsọle nin ọle re obọ nan. Ọnan dẹ wo gene mun ọlẹn udu zeze khẹ oya nin ọle da kẹ le. Ọne imianlo da yẹ wo reso iPeter, James bi John. Ọne imianlo da mun urẹọbhọ nọnsele zeze ghe iJesu gene hi Mezaya. Ọ da yẹ re ele lẹn ghe ele lu nọnsẹn nin ele rẹ hẹnmhọn nin Jesu. Ikpe 32 rẹ gbera fo, Peter da sẹyẹ tẹmhọn ọne imianlo nan. Ọle da tale ghe ọne imianlo re ọle mamman rẹọ bhi ọta akhasẹ.—2Pe 1:16-19.

Arẹmiẹn ghe mhan bha re ẹlo mhan daghe ọne imianlo nan, mhan daghe ebi ọ rẹ munsẹ yẹ. Jesu munhẹn ha gbẹloghe fo. Ọle dẹ kẹ khọn okhọn nọnsọle. Ọle ki yẹ tuje uwedẹ a nin mhan rẹ nyẹn bhi agbọn ọsọgbọn nin ọfubhegbe ye.—Re 6:2.

Be bhọ urẹọbhọ nọnsẹ rẹ mun zeze yẹ beji uwẹ daghe ebi ọta akhase ne ribhi Baibo rẹ munsẹ yẹ?