Ẹghela Imhẹn Ha Rẹ Kie Lu Iwẹnna Ọkanẹfan ọsi Uki Eso?

Bhi imianlo ọsi uwa oga nin Ezekiel miẹn, Ezekiel da daghe ẹbho nesi Jehova ne re ọkhọle nọnsele rẹ zọese. Uwedẹ nela uwẹ a yẹ rẹ deba ha re ogẹn ji Jehova?—Heb 13:15, 16.

Uwedẹ ọkpa, ọle hi nin mhan rẹ lu iwẹnna ọkanẹfan ọsi uki eso. Bhi ukpe iwẹnna oga ọsi 2018 (September 2017 rẹsẹbhi August 2018), uki ne bunbun ribhọ ne mhọn ẹdẹ iSaturday la ẹdẹ iSunday isẹn. Ọnan dẹ wo rẹkpa ẹbho nan miẹn ghe ẹdẹ iSaturday bi Sunday ọkpa ele miẹn ẹghe rẹ lu iwẹnna itẹmhọn Osẹnobulua ranmhude iwẹnna nin ele lu. Deba ọnin, bhi uki ọsi March, April bi uki nin ọfẹotughe rẹ dọ fẹ agbotu mhan ghe, mhan dẹ sabọ zẹ nin mhan rẹ noo uriagogo 30 la 50 rẹ lu ọne iwẹnna ọkanẹfan.

Aha ki miẹn imhan bha sabọ lu iwẹnna ọkanẹfan ọsi uki eso ranmhude ebi emhin dia mhan yẹ? Ọsẹyẹ khẹke nin mhan dọnmhegbe nin mhan rẹ lu gbera eka nin mhan ka lu khẹ. Ebi emhin irẹ dia mhan yẹ, ji oyẹẹ nin mhan mhọn da iJehova re ọhubhudu mhan rẹ re ọkhọle rebhe wẹnna nin Jehova bhi ukpe iwẹnna oga ọsi 2018!—Ho 14:2.

GHE ỌNE IVIDIO NỌN YỌLE JEHOVA RE AHU MHẸN RẸ LU EMHIN REBHE. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Be bhọ re ọhubhudu nin Sabina rẹ lu gbera eka nin ọle ka lu bhi oga nọnsi Jehova?

• Be bhọ ijiẹmhin nọnsi Sabina ha sabọ rẹkpa uwẹ rẹ lu?

• Bhi ukpe iwẹnna oga ọsi 2018, uki nela uwẹ da rẹ lu iwẹnna ọkanẹfan ọsi uki eso?